Şyrnakda täsirsiz ýagdaýa getirilen terrorçynyň Ahmet Çagdawuldygy aýan edildi
Şyrnak welaýatynda düýn täsirsiz ýagdaýa getirilen 2 terrorçynyň biriniň 5 işgäriň şehit bolmagy bilen netijelenen hüjümleriiň jogapkärlerinden Ahmet Çagdawuldygy mälim edildi
Içeri işler ministrliginden berilen beýanata görä, Ýyldyrym-1 operasiýasynyň çäginde Şyrnak welaýatynyň Silopi etrabynyň Judi Dagy sebitinde düýn welaýat Žandarmda güýçleri we Milli Howpsuzlyk gullugy tarapyndan bilelikde geçirilen we Harby-howa güýçleriniň goldaw bermegindäki operasiýada täsirsiz ýagdaýa getirilen 2 terrorçynyň biriniň şahsyýeti anyklandy.
Terrorçylaryň biriniň Botan welaýatynyň Judi frontynyň Derebaşy-Kösreli toparynyň jogapkäri hökmünde terrorçylykly işler alyp baran "Baran Kyçi" adyny ulanýan Ahmet Çagdawuldygy aýan boldy.
Terrorçy Ahmet Çagdawulyň 2020-nji ýylyň 28-nji maýynda Silopi etrabynyň Şuri Depe sebitinde howpsuzlyk diňiniň gurluşygynda işleýän 1 adamyň, 2020-nji ýylyň 17-nji iýunynda bolsa Silopi etrabynyň Jelasör Depe sebitinde ýol gurluşygynda işleýän ýene-de 4 adamyň elde ýasalan partlaýjy madda bilen şehit edilmegi bilen netijelenen terrorçylykly hüjümleriň jogapkäridigi kesgitlendi.
Degişli Habarlar
Numan Kurtulmuş Eýranly Kärdeşine Gynanç Bildirdi
Kurtulmuş, Eýranyň Mejlisiň Başlygy Kalibaf bilen telefon arkaly söhbetdeşlik geçirdi.