Türkiýe “Waşington Post” Gazetiniň Masgaraçylykly Makalasyna Berk Nägilelik Bildirdi

“Waşington Post” gazetiniň işgäri Dewid İgnatiýniň 4-nji sentýabrda ýazan Türkiýäni radikallaşmakda aýyplap, Müsür, Birleşen Arap Emirlikleri we Saud Arabystany ýaly ýurtlary “Musulman dünýäsinde beýgelýän parasatly sesler” hökmünde häsýetlendirýän “Amerikan hökümeti näme üçin Erdoganyň Türkiýesine geçirimlilik edýär” atly makalasyna Türkiýäniň ABŞ-daky Ilçisi Serdar Kylyç jogap berdi.

Kylyjyň “Waşington Port” üçin ýazan makalasynda İgnatiýniň makalasoyny: “Esassyz, irrasional we Türkiýäniň terrorizme garşy göreşe, NATO we sebitiň howpsyzlygyna goşýan goşandy görmediksireýär” diýilýär.

Ilçi Kylyç, İgnatiýniň Türkiýäni “Radikallaşma meçew berýändigi” hakyndaky garaýyşyna: “Ol ýalňyş we ýalňyşdyryjy çemeleşme. Öz basyş esaslanýan işlerini amala aşyrmak üçin yslamdan hyýanatçylykly peýdalanýanlari ýazgardyk we olara garşy berk çäreler gördük. DAİŞ-i we Al Nusrany terror guramasy diýip yglan eden ilkinji ýurtlardan biri bolduk” görnüşinde jogap berdi.

Terror guramasy DAİŞ-iň Türkiýäni ýoýulan garaýyşynyň baş duşmany hökmünde kabul edýändigini we şol terror guramasynyň Yrak bilen Siriýadan soň iň köp bigünä adamy öldüren ýurdunyň Türkiýedigini nygtan Kylyç, Türkiýäniň şol terror guramasyna garşy göreşmeýändigini öňe sürmegiň esassyz we gülkünçdigini nygtady.

İgnatiýniň Müsür, Birleşen Arap Emirlikleri we Saud Arabystany ýaly ýurtlary “Yslam dünýäsiniň beýgelýän sesleri” hökmünde häsýetlendirmegine hem jogap beren Kylyç: “İgnatiý hamala yslaşmagy höweslendirýänleri öwýärkä, şol adamlar musulman dünýäsinde sözüň doly manysynda parasatly adamlardan biri bolan Jemal Kaşykçyny öldürdi” diýip ýazdy.

Ilçi Kylyç Türkiýäniň Jarablusdaky, Al Babdaky we Dabykdaky terror guramasy DAİŞ-e agza 4 müňden gowrak terrorçyny täsirsiz ýagdaýa getirendigine ünsi çekip, ABŞ-nyň Goranmak ministrliginiň Gözegçilik edarasynyň soňky habarnamalaryndan birinde Türkiýäniň operasiýalarynyň DAİŞ-iň terrorçy, pul we azyk ogurlama işlerina agyr zarba urandygyny beýan edendigini ýatlatdy.