"Terror guramalaryna garşy göreş egilşiksiz dowam eder"

Milli Howpsyzlyk geňeşiniň maslahaty Prezident R. T. Erdoganyň ýolbaşçylyk etmeginde geçirildi.

Maslahatyň jemleýji jarnamasynda, daşary ýurtlardaky terror guramalaryna garşy göreşiň halkara hukugyna laýyklykda egilşiksiz dowam etjekdigi nygtaldy.

Jarnamada “Azerbaýjanyň territoriasynda birnäçe ýyldan bäri basylyp alyşlygyny dowam etdirýän Ermenisanyň hüjümleri berk ýazgarylýär” diýildi we Ermenistanyň hüjüm ediji syýasatyndan ýüz öwürmelidigi we Azerbaýjanyň territoriasyny terk etmelidigi bellenildi. Jarnamada türk halkynyň, doganlyk ýurt Azerbaýjana ähli taraplaýyn goldaw bermäge dowam etjekdigi nygtaldy.

Milli Howpsyzlyk geňeşiniň jarnamasynda, Kiprde parahatçylyga we durnuklylygyna zeper ýetirip biljek hereketlere asla rugsat berilmejekdigi hem nygtalyp “Gündogar Ortaýer deňizinde halkara hukugyna esaslanýan haklarymyzň we bähbitlerimiziň goralmagy meselesinde egilşik etmeris” diýildi.

Jarnamada şeýle hem hem Türkiýäniň ähli basyşlara garamazdan liwiýanyň halkyna goldaw bermäge dowam etjekdigi ýatladyldy.

Jarnamada mundan başgada, dünýädäki syýasy we ykdysady güýç ulgamynyň täze etaba girendigine üns çekildi we şol çäkde Türkiýäniň ähli taraplaýyn taýarlyk görmeginiň möhümdigi bellenildi.