Terrora garşy göreş giň gerimli dowam etdirilýär
Içeri işler ministrligi geçirilen operasiýalar barada beýanat berdi
Şyrnak welaýatynyň Silopi etrabynda we Elazyg welaýatynyň Aryjak etrabynda Žandarma güýçleri tarapyndan geçirilen operasiýalarda 4 terrorçy täsirsiz ýagdaýa getirildi.
Içeri işler ministrliginden berilen beýanata görä, içerki howpsyzlyk operasiýalarynyň çäginde Şyrnak welaýatynyň Silopi etrabyndaky operasiýada 2 terrorçy täsirsiz ýagdaýa getirildi.
Elazyg welaýatynyň Aryjak etrabynyň Göresedagy diýilen ýerinde bolan çaknyşykda ýene-de 2 terrorçy öli ýagdaýda ele salyndy.
Sebitde operasiýalar dowam edýär.
Içeri işler ministri Süleýman Soýlu, sosial media hasabyndan beren beýanatynda, Şyrnak welaýatynyň Silopi etrabynda 2 terrorçy, Elazyg welaýatynyň Aryjak etrabynyň Görese dagy diýilen ýerinde ýene-de 2 terrorçy bolmak bilen jemi 4 terrorçynyň täsirsiz ýagdaýa getirilendigini habar berip: "Ýurdyň içindäki terrorçy sany 445-e çenli azaldy. Nesip bolsa terror bu ýurdyň ykbaly bolmakdan çykar. Ýene-de biraz sabyr edeliň we gaýrat edeliň" diýip belledi.
Elazyg welaýatynda şu gün geçirilen operasiýada täsirsiz ýagdaýa getirilen 2 terrorçynyň 1-iniň terror sanawynda ady bolan Salih Ekinji bolandygy aýan edildi.
Beýleki tarapdan Diýarbakyr welaýatynyň Silwan etrabynda welaýat Žandarma serkerdeligi tarapyndan geçirilen operasiýada 2 terrorçy täsirsiz ýagdaýa getirildi.
Düýn bolsa Eýran serhediniň golaýynda anyklanan ekstremist terror guramasy PKK-a agza 4 terrorçy täsirsiz ýagdaýa getirildi.
Tunjeli welaýatynyň Owajyk etrabynda geçirilen operasiýada täsirsiz ýagdaýa getirilen 6 terrorçynyň 1-iniň, Terrordan gözlenýänleriň sanawynda mämişi kategoriýada ady bolan Sadyk Akmazdygy anyklandy.