Parahatçylyk Çeşmesi operasiýasy sebitinde dört adam şehit boldy

Parahatçylyk Çeşmesi operasiýasy bilen howpsyz ýagdaýa getirilen Siriýanyň Rasulaýn etrabynda, PKK/PÝD/ÝPG-e agza terrorçylar tarapyndan guralan hüjümde 1 türk esger we 3 ýerli howpsyzlyk gullukçysy şehit boldy. 

Şanlyurfa welaýatynyň gubernatorlygyndan berilen beýanatda: "Şu gün Siriýanyň Rasulaýn etrabyndaky ýol gözegçilik nokadynda terror guramasy PKK/PÝD/ÝPG-e agza terrorçylar tarapyndan bomba ýüklenen ulag bilen guralan hüjümiň netijesinde 1 türk esger we 3 ýerli howpsyzlyk gullukçysy şehit boldy" diýip mälim edildi. 

Beýanatda hüjümiň netijesinde şeýle hem 7-si asuda ilatdan jemi 10 adamyň ýaralanandygy habar berildi. 

Ýaralanan adamlar Jeýlanpynar döwlet hassahanasynda bejergi astyna alyndy.