Fuat Oktaý Somalide guralan hüjümde ýaralanan adamlar bilen duşuşdy
Ankara Şäher hassahanasyna baran Fuat Oktaý, bombaly hüjümde ýaralanan adamlaryň, hassahanada bejergisi dowam edýänleriniň ýanyna bardy
Wise-prezident Fuat Oktaý, Somaliniň paýtagty Mogadişuda bir türk potratçy kärhananyň gurluşyk meýdançasynda guralan bombaly hüjümde ýaralanan adamlary we bejergi alýan hassahanasyny zyýarat etdi.
Ankara Şäher hassahanasyna baran Fuat Oktaý, bombaly hüjümde ýaralanan adamlaryň, hassahanada bejergisi dowam edýänleriniň ýanyna bardy.
Fuat Oktaý, ýaralanan adamlaryň saglyk ýagdaýlary barada lukmanlardan maglumat aldy.
Oktaý, ýaralanan adamlaryň dogan-garyndaşlary bilen hem duşuşyk geçirip, Prezident R.T. Erdoganyň salamyny we gynanjyny ýetirdi.
Fuat Oktaý, Mogadişuda geçen ýylyň 28-nji dekabrynda gümrük merkeziniň golaýynda bomba ýüklenen ulagyň partladylmagy netijesinde ýaralanan we şol bir hassahanda bejergi alýan adamlaryň hem ýanlaryna bardy.
Somaliniň paýtagty Mogadişunyň günorta-günbataryndaky Afgoýe şäherinde, bir türk potratçy kärhananyň gurluşyk meýdançasynda guralan bombaly hüjümde ýaralanan 10 adam, düýn bejergi maksat bilen Türkiýe getirilipdi.
Degişli Habarlar
Daşary Işler Ministri Fidan, Birleşen Arap Emirliklerinde Saparda Bolýar
Hakan Fidan,kärdeşi Abdullah bin Zaýid Al Nahýan bilen duşuşdy.