Prezident Erdogan “Global Musulman Şahsyýet sylagyna” laýyk görüldi
Türkiýäniň Prezidenti Rejep Taýýip Erdogan, 2-nji gezek “Global Musulman Şahsyýet sylagyna” laýyk görüldi
Günbatar Afrika ýurdy bolan Nigeriýada çap edilýän “Muslim News Nigeria” gazediniň redaktory Raşid Ebubekir 2019-nji ýyl üçin “Global Musulman Şahsyýet sylagynyň” netijesini aýan etdi.
Ebubekir 2018-nji ýylda hem sylagyň Prezident Erdogana berilendigini ýatladyp: “Hem Yslam dünýäsinde hem-de halkara arenada jedelleşiksiz ýagdaýda täsiri we güýji sebäpli sylag bu ýyl hem Erdogana berildi” diýip habar berdi.
Prezident Erdoganyň, hemişe ejir çekenleriň ýanyndadygyna ünsleri çeken Ebubekir: “Erdogan Siriýa, Mýanma, Kaşmir we Palestina babatynda hemişe nägileligini bildirdi” diýip mälim etdi.
Ebubekir, Prezident Erdoganyň Kuala-Lumpur maslahatynda hem musulmanlaryň birligi we jebisligi üçin tagalla edendigini habar berdi.
Sanawyň 2-nji ornuna Malaýziýanyň Premýer ministri Mahathir Muhammed, 3-nji oruna asly Somalili bolan Amerikan Kongresiniň agzasy musulman Ilhan Omar, 4-nji oruna Gambiýanyň Prezidenti Adama Barrow we soňky 5-nji oruna asly türk bolan futbolçy Mesut Özil laýyk görüldi.
