Içeri Işler Ministri: “DAIŞ-iň Agzalary Duşenbe Güni Yzyna Berilmäge Başlanar”
Türkiýäniň Içeri işler ministri Süleýman Soýlu, DAIŞ-iň agzalarynyň duşenbe gününden başlap öz ýurtlaryna yzyna berilmäge başlanjakdygyny habar berdi
Türkiýe, elindäki DAIŞ-iň daşary ýurtly agzalaryny yzyna ibermäge başlar.
Beýanat ýurdyň Içeri işler ministri Süleýman Soýlu tarapyndan berildi.
Paýtagt Ankaradaky açylyş dabaralarynyň birinde Süleýman Soýlu: "Häzir bolsa biz bulary size bermäge başlaýarys. Muny duşenbe gününden başlarys" diýip habar berdi.
Ekstremist terror guramasy PKK-a agza bolan we atlary terror sanawynyň gyzyl kategoriýasynda bolan 2 terrorçynyň täsirsiz ýagdaýa getirilmeginiň hem üstünde durup geçen Soýlu: "PKK-nyň liderlerinden Karaýylan gynanypdyr. Bu ýerde milletimize söz berýäris, Karaýylany öli ýylan ýagdaýa getireris" diýip belledi.
Degişli Habarlar
Prezident Erdogan Halkara Maşgala Gününi Gutlady
Prezident R.T.Erdogan Maşgala güni mynasybetli sosial media hasabyndan habarnama berdi.