Çawuşogly: “Terrorçylar çekilmese operasiýa ýaňadandan başlar” diýdi

Türkiýäniň Daşary işler ministri Mewlüt Çawuşogly, ekstremist terror guramasy PKK/ÝPG/PÝD-e agza terrorçylaryň özlerine berilen 120 sagatlyk möhlediň dowamynda Siriýanyň demirgazygyny boşlatman halatlarynda Parahatçylyk Çeşmesi operasiýasynyň galan ýerinden dowam etjekdigini habar berdi.

Stambul Kongres merkezinde Globallaşmanyň çökgünligi: Howplar we pursatlar temasy bilen TRT tarapyndan geçirilýän TRT World Forum 2019-da çykyş etdi.

Ministr Çawuşogly, ol ýerde eden çykyşynda, Siriýadaky çaknyşygyň diňe we diňe syýasy bir ýagdaýda çözülip bilinjekdigine ynanýandyklaryny beýan etdi.

Mewlüt Çawuşogly, 360 müňden gowrak siriýalynyň Türkiýeden terrordan saplanan 2 sebite göçüp barandygyny habar berdi.

Gün tertipde ABŞ bilen Howpsyz zolak döredilmäge synanyşylýan mahaly, ABŞ-nyň PKK/PÝD/ÝPG-e berýän ýarag kömegini dowam etdirýändigini aýdan Çawuşogly, hyzmatdaşlarynyň goldawyny görmändikleri sebäpli ýeke başlaryna Parahatçylyk Çeşmesi operasiýasyny geçirmäge mejbur galandyklaryny mälim etdi.

Operasiýada diňe terrorçylaryň nyşana alynýandygyny, asuda ilata zeper ýetmezligi üçin uly tagalla edilýändigini aýdan Çawuşogly: “Parahatçylyk Çeşmesi operasiýasy başlan gününden bäri hakykata bap gelmeýän we gara propogandalaryň bardygyny görýäris. Bu kürt-türk meselesi, örän ýalňyş bir sözlem. Kürtler biziň duşmanymyz däl. Kürtlere garşy bir meselämiz ýok. Yragyň demirgazygy bilen hem örän gowy gatnaşyklarymyz bar we Türkiýede 350 müňden gowrak siriýaly kürt ýaşaýar” diýip aýan etdi.

“Taryhymyzda asla himiki ýarag ulanmadyk. Bu hem gara propogandadyr” diýen Çawuşogly, inwentarlarynda hiç hili himiki ýaragyň bolmandygyny beýan etdi.

Çawuşogly: “PKK/ÝPG/PÝD-e agza terrorçylar serhedimiziň beýleki tarapyndan bir terror döwletini döretmäge synanyşýar we biz bu oýuny bozduk” diýip belledi.

Ertir Russiýanyň Soçi şäherini gidip, ol ýerde Russiýanyň Döwlet baştutany Wladimir Putin bilen duşuşyk geçirjekdiklerini aýdan Çawuşogly, munyň hem örän möhüm bir duşuşyk boljakdygyny habar berdi.