"Türkiýe sebitiň durnuklylygyny we milli howpsyzlygyny goramak üçin S-400 ulgamlaryny aldy"
Prezident Erdogan Stambuldaky Wahdettin köşgünde köpçülikleýin habar beriş serişdeleriniň wekilleri we ylmy işgärler bilen duşuşdy
Prezident R. T. Erdogan Türkiýäniň sebitiň durnuklylygyny we milli howpsyzlygyny goramak maksady bilen Russiýadan S-400 ulgamlaryny alandygyny aýtdy.
Prezident Erdogan Stambuldaky Wahdettin köşgünde köpçülikleýin habar beriş serişdeleriniň wekilleri we ylmy işgärler bilen duşuşdy.
Türkiýäniň S-400-leri almak bilen söweşe taýarlanmaýandygyny nygtan Erdogan “ Milli howpsyzlygymyzy we sebitiň durnuklylygyny gorap saklamak üçin tagalla edýäris, şol maksat bilen goranyş senagatymyzy hem güýçlendirýäris” diýdi.
Üstümizdäki ýylyň ahyryna çenli belli bir böleginiň we 2020-njy ýylyň ahyryna çenli hem S-400-ler bilen arabaglanşykly etabyň tamamlanjakdygyny aýdan Erdogan , S-400-leriň gözegçiliginiň Türkiýäniň ýaragly güýçlerinde boljakdygyny belledi.
Prezident Erdogan “S-400-ler taryhymyzyň esasy şertnamalaryndan biri. S-400-ler NATO-nyň geljegi taýdan hem möhüm, NATO şertanamadan hoşal bolmaly” diýdi.
Prezident Erdogan S-400-ler bilen F-35-leriň arabaglanşykly hökmünde görkezilmegi hakyndaky soraga “S-400 howa goranyş ulgamy, F-35-ler bolsa hüjüm ýaragy” diýip jogap berdi.
Prezident Erdogan F-35-leriň önümçiligi üçin Türkiýäniň häzire çenli 1 milliard 400 million dollar töländigini ýatlatdy
Erdogan “ABŞ-nyň Prezidenti Tramp bilen Ýaponiýada F-35-ler barada pikir alyşdyk we Jenap Tramp daşary ýurtly köpçülikleýin habar beriş serişdeleriniň öňünde egindeşlerine F-35 taslamasynyň meýilleşdirilşi ýaly dowam etjekdigi barada möhüm ýüzlenme berdi” diýdi.
Erdogan ABŞ-nyň Prezidenti bilen ýakynda gepleşik geçirjekdigini ýatlatdy
Degişli Habarlar
Prezident Erdogan Halkara Maşgala Gününi Gutlady
Prezident R.T.Erdogan Maşgala güni mynasybetli sosial media hasabyndan habarnama berdi.