Türk ýaragly güýçleri Tel Rifady basyp alan terror guramasy ÝPG/PKK garşy hüjüm gurady
“Ýefrat Galkany” operasiýa giňişliginde ornaşan Türk ýaragly güýçlerine degişli gaubisalar Afrin etrabynyň gündogaryndaky Tel Rifatda terror guramasyna degişli pozisiýalara 20-den gowrak hüjüm gurady
Türk ýaragly güýçleri Tel Rifatda ornaşan terror guramasyna degişli pozisiýalara düýn 12, öňňin bolsa 5 hüjüm gurapdy.
Araplara degişli bolan Tel Rifat 3 ýyldan bäri terror guramasy ÝPG/PKK-nyň gözegçiliginde.
Gurama Tel Rifatdan başlan Manbije çenli uzap gidýän zolagy “Şabha kantony” hökmünde atlandyrýar.
ÝPG/PKK terrorçylary 2016-njy ýylda Afrinden günorta-gündogara hereket edip, Tel Rifady basyp alypdy.
ÝPG/PKK şeýlelikde bilen Ýefrat derýasynyň gündogarynda basyp alan ýerleri bilen günbatardaky Afrini gury ýerden birleşdirmek üçin galan ýerleri ele geçirmegi nazarda tutýardy.
Terror guramasy ÝPG/PKK Siriýa-Türkiýe serhet ýakasynda üznüksiz häkimiýet giňligini döretmek isleýärdi.
Emma Tel Rifat bilen Manbijiň arasyndaky Bab etraby “Ýefrat Galkany” operasiýasynyň zolagynda ýerleşýär.
Şol sebäpli terror gurmasy Tel Rifat-Manbij arasynda gatnaşygy ýola goýup bilmeýär.
Tel Rifatda we golaýda ýaşaýan 250 müň ilat terror guramasy ÝPG/PKK-nyň hüjümlerinden soň Azaza göçmäge mejbur bolupdy.
Degişli Habarlar
Daşary Işler Ministri Fidan, Birleşen Arap Emirliklerinde Saparda Bolýar
Hakan Fidan,kärdeşi Abdullah bin Zaýid Al Nahýan bilen duşuşdy.
