Türkiýe Kolumbiýada guralan terrorçylykly hüjümi ýazgardy
Polis mekdebine guralan bombaly hjümde hüjümçi bilen birlikde 21 adam ýogaldy
Türkiýe Kolumbiýanyň paýtagty Bogotada guralan terrorçylykly hüjümi ýazgardy.
Daşary işler ministrliginden berlen ýazmaça beýanatda şäheriň günortasynda ýerleşýän Santander polis akademiýasynda 17-nji ýanwarda bomba ýüklenen ulag bilen guralan terrorçylykly hüjümde köp sanly adamyň ýogalmagyna we ýaralanmagyna gynanç bildirilýändigi ýatladyldy.
Beýanatda “Bu hyýanatçylykly hüjümi berk ýazgarýarys, hüjümde ýogalanlaryň hossarlaryna gynanç bildirýäris, ýaralananlara gyssagly şypa dileýäris” diýildi.
Soňky görkezijilere görä, paýtagt Bogotada polis mekdebine guralan bombaly hjümde hüjümçi bilen birlikde 21 adam ýogaldy, 68 adam ýaralandy.
Hüjümde 80 kilogram partlaýjy maddasynyň ulanylandygy aýdylýar.
Degişli Habarlar
Daşary Işler Ministri Fidan, Birleşen Arap Emirliklerinde Saparda Bolýar
Hakan Fidan,kärdeşi Abdullah bin Zaýid Al Nahýan bilen duşuşdy.