Adatdan daşary ýagdaý bes edildi

Fetullahçy terror guramasynyň (FETÖ) 2016-njy ýylyň 15-nji iýulyndaky agdarlyşyk synanyşygyndan soň, 2016-njy ýylyň 21-nji iýulynda yglan edilen we möhledi her 3 aýdan 7 gezek uzaldylan Adatdan daşary ýagdaý şu gün gije sagat 01:00-dan başlap bes edildi.

Adatdan daşary ýagdaý etabynda diňe FETÖ garşy däl, eýsem PKK, DAIŞ ýaly beýleki terror guramalaryna garşy has täsirli göreş alynyp baryldy.

Göreşiň çäginde TBMM-de geçirilen gepleşikleriň netijesinde Adatdan daşary ýagdaýyň möhledi: 2016-njy ýylyň 19-njy oktýabry, 2017-nji ýylyň 19-njy ýanwary, 2017-nji ýylyň 19-njy iýuly, 2017-nji ýylyň 19-njy oktýabry, 2018-nji ýylyň 19-njy ýanwary we soňky gezek 2018-nji ýylyň 19-njy aprelinde bolmak bilen jemi 7 gezek uzaldyldy.  

Konstitutsiýa görä Adatdan daşary ýagdaý üçin yglan edilen möhlediň gutarýança çenli, täzeden uzaldylmagy bilen bagly rugsatnamanyň Mejlise hödürlenmän halatynda Adatdan daşary ýagdaý öz-özünden bes edilýär.

Şoňa laýyklykda 2016-njy ýylyň 21-nji iýulynda penşenbe güni sagat 01:00-da yglan edilen Adatdan daşary ýagdaý şu gün gije sagat 01:00-da bes edildi.