Terrora garşy göreş giň-gerimli dowam edýär

Içeri işler ministrliginden berilen beýanata görä soňky 1 hepdede ekstremist terror guramalaryna garşy göreşiň çäginde Žandarmanyň ýöriteleşdirilen topary, Polisiýanyň ýöriteleşdirilen topary, Žandarmanyň Komando topary, Türkiýäniň Ýaragly güýçleriniň howa we gury ýer toparlary tarapyndan 1985 aýry operasiýa geçirildi.

Operasiýalaryň netijesinde ekstremist terror guramasy PKK-a goldaw beren 88 adam, terror guramasy DAIŞ bilen arabaglanşygy bolan 51 adam, FETÖ/PDÝ-e garşy göreşiň çäginde 885 adam, çepçi terror guramalaryna garşy göreşiň çäginde 3 adam göz tussaglygyna alyndy.

Geçirilen meýilnamaly operasiýalarda 1027 terrroçylykly jenaýatlar, 47-si durnuksyz migrasiýa we 3267-si neşe söwdasyny etmek bilen jemi 4341 adam tussag edildi.

Geçirilen içerki howpsyzlyk operasiýalarynda 25-i öli, 2-si diri, 13-i howpsyzlyk güýçlerine boýun egmek bilen jemi 40 terrorçy täsirsiz ýagdaýa getirildi.

Täsirsiz ýagdaýa getirilen terrorçylaryň arasynda gözlenýänleriň sanawynda ýaşyl kategoriýada bolan Serdar adyny ulanan Serkan Tan hem bar.

Tunjeli we Hakkari welaýatlarynda geçirilýän operasiýalarda bolsa terror guramasyna agza terrorçylar tarapyndan ulanylan 6 gaçybatalga we gowak bilen 3 sany elde ýasalan partlaýjy madda we mina hatardan çykaryldy.

Howpsyzlyk güýçleri tarapyndan şeýle hem 365 kg partlaýjy madda, 23 sany granat, 20-si agyr we uzyn nilli bolmak bilen jemi 28 sany ýarag bilen 1197 sany ok-däri ele salyndy.