Türkiýäniň Ýaragly güýçleri we Azat Siriýa goşuny Afriniň merkezine golaýlaşdy

Türkiýäniň Ýaragly güýçleriniň Siriýanyň Afrin sebitinde ekstremist terror guramasy PKK/KCK/PÝD-ÝPG we DAIŞ-e agza terrorçylary täsirsiz ýagdaýa getirmek, sebitiň dost we dogan halkyny basyşdan we zulumdan halas etmek maksady bilen 20-nji ýanwarda başladan Zeýtun şahajygy operasiýasynyň çäginde Afriniň etrap merkezine tarap öňe gidişligi dowam edýär.

Geçirilen soňky operasiýalarda  PKK/KCK/PÝD-ÝPG we DAIŞ-e agza ýene-de 87 terrorçy täsirsiz ýagdaýa getirildi.

Şeýlelik bilen operasiýanyň başyndan bäri täsirsiz ýagdaýa getirilen terrorçylaryň sany 3300-e ýetdi.

Jinderes-Afrin ýolundaky strategik taýdan möhüm bolan Babliet howa menzili terror guramasyndan saplandy.

Geçirilen soňky operasiýalaryň netijesinde ýene-de 8 oba terrorçylardan saplandy.

Türkiýäniň Ýaragly güýçleriniň terror guramasyndan saplan obalarynyň sany diňe şu gün 13-e ýetdi.

Takmynan 950 inedördül kilometrlik ýer gözegçilik astyna alyndy.