Türkiýe Trampyň Iýerusalymyň statusy hakyndaky sözlerine garşylyk görkezdi
Türkiýe ABŞ-nyň Prezidenti Donald Trampyň Ysraýyl-Palestina meselesi bilen Iýerusalymyň statusy hakyndaky sözlerine garşylyk görkezdi
Daşary işler ministrliginiň metbugat geňeşçisi Hami Aksoý, Trampyň 25-nji ýanwarda Şweýsariýanyň Dawos şäherçesinde Ysraýylyň Premýer ministri Benýamin Netanýahu bilen metbugata beren beýanatynda Ysraýyl-Palestina meselesi we Iýerusalimiň statusy hakynda aýdan sözlerine alada bildirýändiklerini aýtdy.
Aksoý mesele hakynda beren ýazmaça beýanatynda “Ady agzalýan sözler ABŞ-nyň Prezidentiniň we egindeşleriniň sebitdäki hakykatlary we meseläniň esasy sebäplerini görmeýändiklerini görkezýar” diýdi.
Aksoý Iýerusaliminiň statusynyň Ysraýyl-Palestina meselesiniň çäginde giň gerimli we adalatly ýagdaýda çözülmegini maksat edinýän parahatçylyk etabynyň özenini emele getirýändigini belledi.
Aksoý halkara jemgyýetçiliginiň çözgüt etaby baradaky kadalaryny, Amerikan hökümetiniň BMG-nyň Howpsyzlyk geňeşiniň we BMG-nyň Baş Assambleýasynyň kararlarynyň başda durmagynda halkara hukugyna bap gelmeýän we halkara jemgyýetçiligi tarapyndan ret edilen bir taraply karar bilen üýtgedip bilmejekdigine ünsi çekdi.
Degişli Habarlar
Hakan Fidan, ABŞ-nyň Döwlet Sekretary Bilen Telefon Arkaly Söhbetdeşlik Geçirdi
Fidan bilen Blinken Gazada we Ukrainada başdan geçirilýän soňky wakalar hakynda pikir alyşdy.
Ýene-de 12 Terrorçy Täsirsiz Ýagdaýa Getirildi
Soňky terrorçy ýok edilýänçä terrora garşy egilşiksiz göreş dowam eder”