"Kaziýet işiniň netijesine garamazdan biz Türkiýe hökmünde dogry hereket etdik. Embargony bozmadyk"

Prezident R. T. Erdogan Türkiýäniň Eýran bilen eden gatnaşyklarynda söwda embargosyny bozmandygyny aýtdy.

Prezident we Adalat we ösüş partiýasynyň başlygy R. T. Erdogan paýtagt Ankarada Adalat we ösüş partiýasynyň halk deputatlary bilen ertirlik naharynda duşuşdy.

metbugata ýapyk häsiýetde berlen 18 welaýatdan 51 halk deputatynyň gatnaşmagyndaky ertirlik nahary 3 sagada golaý dowam etdi.

Ertirlik naharyna Adalat we ösüş partiýasynyň başlygynyň wekili we Premýer ministr Binaly Ýyldyrym hem gatnaşdy.

R. T. Erdogan ertirlik naharynda BMG-nyň Eýrana embargo goýulmagy hakynda hiç hili karar kabul etmändigine garamazdan ABŞ-nyň bir taraply ýagdaýda goýan embargosyny bozandygy bahanasy bilen ABŞ-da asly Eýranly türk raýaty Reza Zarrab hakynda gozgalan kaziýet işi hakynda durup geçdi.

Erdogan “Kaziýet işiniň netijesine garamazdan biz Türkiýe hökmünde dogry hereket etdik. Embargony bozmadyk. Biz ABŞ-nabu meselede hiç hili söz bermedik. Dünýä ABŞ-dan ybarat däldir. Biz Eýran bilen ykdysady we söwda taýdan gatnaşyk edýäris” diýdi.