Hakkaride dört terrorçy öldürildi
Hakkari welaýatynyň Ýüksekowa etrabynda aýralykçy terror guramasy PKK-a garşy geçirilýän operasiýada 4 terrorçy öldürildi
Welaýat häkmiligi tarapyndan berilen beýanatda etrabyň Ikiýaka obasynyň Mezruk diýilen ýerinde PKK-ly 4 terrorçynyň howpsyzlyk güýçleri tarapyndan anyklanandygy mälim edildi.
Beýanatda 4 terrorçynyň gaubisalar arkaly açylan odyň netijesinde öldürilendigi habar berildi.
Beýleki tarapdan Türkiýäniň Ýaragly güýçleri tarapyndan düýn Yragyň demirgazygyndaky Kandil, Metina we Gara sebitlerinde ýerleşýän PKK-a degişli ýerlere guralan howa hüjümlerinde terror guramasyna degişli söweşjeň liniýalar, gaçypatalgalar bilen ýarag we ok-däri ammarlar ýok edildi.
Howa operasiýasyna gatnaşan uçarlar berilen wezipäni üstünlikli ýerine ýetireninden soň bazalara gaýdyp geldiler.
Degişli Habarlar
Numan Kurtulmuş Eýranly Kärdeşine Gynanç Bildirdi
Kurtulmuş, Eýranyň Mejlisiň Başlygy Kalibaf bilen telefon arkaly söhbetdeşlik geçirdi.