Çawuşoglynyň Krans-Montanadaky sapary dowam edýär
Şweýsariýanyň Krans-Montana şäherinde geçirilýän Kipr maslahatynda türk wekiliýetine ýolbaşçylyk edýän Daşary işler ministri Mewlüt Çawuşogly saparyny dowam etdirýär
Çawuşogly BMG-niň Baş Sekretary Antoniu Guterreş we Britaniýanyň Daşary işler ministri Boris Jonson bilen telefon arkaly söhbetdeşlik geçirdi.
Duşuşykda Kipr maslahatynda ýetilen soňky sepgit seljerildi.
Çawuşogly bäş taraplaýyn maslahatyndan soň BMG-niň baş sekretarynyň Kipr boýunça şahsy geňeşçiswi Espen Bart Eýde bilen duşuşdy.
Ministr Çawuşogly duşuşykdan soň maslahatyň geçirilýän maslahatlar merkezinde gaýtdy.
Eýde Gresiýanyň Daşary işler ministri Nikos Kotsias we Demirgazyk Kipr Türk Respublikasynyň we Kipriň grek böleginiň gepleşik wekiliýetiniň ýolbaşçylary bilen hem duşuşdy.
Eýde DKTR-nyň Prezident Mustafa Akynjy we Kipriň grek böleginiň lideri Nikos Anastasiadisiň gatnaşmagynda üç taraplaýyn maslahat geçirdi.
Maslahatyň düýnki mejlisinde 3 hemaýatkär ýurt Türkiýe, Britaniýa we Gresiýa “Howpsyzlyk we kepillendirmeler” atly teklipler bukjasyny BMG-niň garamagyna hödürläpdi.
Hemaýatkär ýurtlardan soň DKTR we Kipriň grek bölegi hem ähli ugurlary öz içine alýan teklipler bukjasyny BMG-ne hödürläpdi.
BMG ýapyk bukjalarda hödürlenen 5 sany teklip bukjasynyň nusgalaryny taraplara beripdi.
Degişli Habarlar
Türkiyäniň Baş ştabynyň başlygy BAE-li kärdeşi bilen duşuşyk geçirdi
Kärdeşler dabaradan soň metbugata ýapyk häsýetde ikiçäk we toparara duşuşyklar geçirdi
