“ABŞ-nyň ýalňyşdan iň tiz wagtda dänmegi möhüm”
Erdogan Kuweýt saparyndan gaýdyp gelýärkä uçarda wajyp beýanatlar berdi
Türkiýäniň Prezidenti R.T. Erdogan aýralykçy terror guramasy PKK-nyň Siriýadaky goly bolan ÝPG-e agyr ýaraglar beren ABŞ-nyň ýalňyşdan iň tiz wagtda dänmediniň möhümdigini belledi.
PKK/ÝPG-e agyr ýaraglar bermek barada karar kabul eden ABŞ-na nägilelik bildiren Erdogan: “Ýakyn Gündogarda Türkiýesiz bir karar berilmeli däl. Eger Türkiýe bilen maslahatlaşylman käbirleri karar kabul edýän bolsa jogabyny hem ykdysady hem-de adam ýitgileri bilen berýär” diýdi.
ABŞ-nyň Türkiýäniň aladalaryny aýyrarys sözleri bilen baglanşykly bolsa Erdogan: “Bular sözler bilen bolmaýar. Bularyň ählisini NATO maslahatynda gün tertibe getireris, bulary ABŞ saparynda hem ara alyp maslahatlaşarys. Gepleşmelidiris. Sebäbi biz biri-birimize düşünmäge mejbur” diýdi.
Erdogan gerek bolsa Türkiýä garşy terror howpyny ýeke özüniň ýok etjekdigini habar berdi.
Fransiýanyň Prezidenti wezipesine Emmanuel Makronyň saýlanmagyndan soň Makrony gutlandygyny bellän Erdogan: “Telefon söhbetdeşliginde mende dörän täsir örän oňyndy. Häzirki wagtda öňümizde Brýussel bar, ol ýerde duşuşyk geçireris. Ondan soň G20 maslahaty bar, ol ýerde hem duşuşarys. NATO-da duşuşyk geçirmegi özi teklip etdi, Makron Brýusselde ikiçäk duşuşyk geçirmekden hoşal boljakdygyny belledi” diýdi.
Degişli Habarlar
Daşary Işler Ministri Fidan, Birleşen Arap Emirliklerinde Saparda Bolýar
Hakan Fidan,kärdeşi Abdullah bin Zaýid Al Nahýan bilen duşuşdy.