Türkiýe Gollandiýanyň PKK-nyň ýöriş geçirmegine rugsat bermegine berk garşylyk görkezdi

Daşary işler ministrliginden berilen beýanatda: “Terror guramanyň tarapdarlaryna ýöriş geçirmegine rugsat berilmegi Gollandiýanyň soňky wagtlarda ýurdumyza garşy alyp barýan taraply we duşmançylykly pozisiýasyny erjellik bilen dowam etdirýändigini orta goýýar” diýilýär.

Gollandiýanyň türk ministrlerine garşy gelşiksiz hereketleri ýatladylan beýanatda: “Serhetleriniň çäginde ýaşaýan türk jemgyýetiniň türk resmiler bilen duşuşmagyna böwet bolyp, diplomatik we konsullyk gatnaşyklarynyň düzgünlerini basgylaýan, maslahat we söz azatlygyny gadagan edýän Gollandiýanyň terror guramanyň ýurdumyzda geçiriljek referenduma garşy şygarlar aýdylan ýörişiň geçirilmegine rugsat bermegi kabul edilip bilinjek bir hereket däl. Bu pozisiýa ýurdumyza garşy iki ýüzli pozisiýa alyp barýandygyny täze bir mysaly bolmak bilen, ady agzalan ýurdyň bu  hereketleri örän gelşiksizdir” diýdi.

Terror guramasy PKK-nyň tarapdarlary Gollandiýanyň Gaaga şäherinde Nowruz baýramçylygy ady bilen terror guramanyň lideriniň suratlary we mata bölekleri bilen ýöriş geçirdi.