Prezident Erdogan Tanzaniýada saparda bolýar
Türkiýäniň Prezidenti R.T. Erdogan Gündogar Afrika saparynyň ilkinji duralgasy Tanzaniýa bardy
Prezident Erdogany paýtagt Darussalamdaky Julius Nýerere halkara howa menzilinde Tanzaniýanyň Premýer ministr Kassim Mažaliwa, Türkiýäniň Tanzaniýadaky ilçisi Ýasemin Eralp we ilçihananyň wekilleri tarapyndan garşylandy.
Türkiýäniň Prezidenti ellerinde Türkiýäniň we Tanzaniýanyň baýdaklary bilen öňünden çykan çagalar bilen söhbet etdi.
Prezident Erdogan ondan soň Daşary ykdysady gatnaşyklar geňeşi tarapyndan guralan maslahatda türk işewür adamlar bilen duşuşdy.
Metbugata ýapyk ýagdaýda geçen maslahata Daşary işler ministri Mewlüt Çawuşogly, Ykdysadyýet ministri Nihat Zeýbekji, Energetika we tebigy serişdeler ministri Berat Albaýrak, Daşary ykdysady gatnaşyklar geňeşiniň başlygy Ömer Jihad Wardan bilen köp sanda işewür adam gatnaşdy.
Resmi duşuşyklar bolsa şu gün başlar.
Tanzaniýanyň Prezidenti Jon Pombe Jozef Magufuli Türkiýäniň Prezident R.T. Erdogany Ikulu köşgünde resmi dabara bilen garşylar.
Ilki bilen liderler ikiçäk soňra bolsa toparara gepleşikler geçirerler.
Dürli-dürli şertnamalara gol çekiljek maslahatdan soň metbugat ýygnagy geçiriler.
Erdogan we Magufuli Işewür maslahata ýolbaşçylyk ederler.
Prezident Erdogan Tanzaniýa saparyndan soň Mozambike sapar gurar.
Degişli Habarlar
Daşary Işler Ministri Fidan, Birleşen Arap Emirliklerinde Saparda Bolýar
Hakan Fidan,kärdeşi Abdullah bin Zaýid Al Nahýan bilen duşuşdy.
