Ýewfrat galkany operasiýasynyň başlamagyna 76 gün boldy
Ýewfrat galkany operasiýasy Siriýanyň demirgazygynyň terrorçylardan saplanmagy üçin 24-nji awgustda Türkiýäniň öňbaşçylyk etmeginde başladyldy
Siriýanyň demirgazygynyň terrorçylardan saplanmagy üçin 24-nji awgustda Türkiýäniň öňbaşçylyk etmeginde başladylan Ýewfrat galkany operasiýasynyň 76-njy gününde terror guramasy DAIŞ-e agza 1 terrorçy täsirsiz ýagdaýa getirildi, ýaragly ulag we zenit ýaragy hatardan çykaryldy.
Türkiýäniň Ýaragly güýçleri tarapyndan berilýän maglumata görä terror guramasy DAIŞ-e degişli 58 we terror guramasy PKK/PÝD degişli 1 ýer nyşana alynyp hüjüm guraldy. Terror guramalaryna degişli gaçypatalgalar, söweşjeň liniýalar, binalar, ýaragdyr ulaglar ýok edildi.
Hyzmatdaş güýçler tarapyndan bolsa Şabwyran sebitindäki DAIŞ-e degişli ýerlere 4 howa hüjümi guraldy. Operasiýalarda 1 terrorçy öldürildi, 1sany ýaragly ulag we 1 sany zenit ýaragy hatardan çykaryldy.
Terror guramasy DAIŞ-den basylyp alynan ýerlerde ýene-de 36 mina we elde ýasalan 443 sany partlaýjy gözegçilik astynda ýok edildi.
Türkiýäniň Siriýa serhedinde ýaragly uçarmansyz howa ulagy gözegçilik uçuşlaryny ýerine ýetirýär.
Degişli Habarlar
Türkiyäniň Baş ştabynyň başlygy BAE-li kärdeşi bilen duşuşyk geçirdi
Kärdeşler dabaradan soň metbugata ýapyk häsýetde ikiçäk we toparara duşuşyklar geçirdi