"Harby agdarlyşyk etmäge synanşanlar maksadyna ýetip bilmediler”

Baş ştabyň başlygy wezipesini wagtlaýyn ýerine ýetirýän goşun generaly Ümit Düündar döwletiň we halkyň egin egine Türkiýäniň harby hökümet agdarlyşygyny puja çykarandygyny aýtdy.

Goşun generaly Dündar Stambulda harby agdarlyşyk synanşygy hakynda metbugata beýanat berdi.

Goşun generaly Dündar “Türkiýäniň ýaragly güýçleriniň çäginde dürli wezipeleri ýerine ýetirýän esgerler harby agdarlyşyk etmäge synanşdy. Käbir serkerdelerimiz zamun alyndy. Türkiýäniň ýaragly güýçleri ilkinji pursatdan başlap agdarlyşyk synanşygyny kabul etmedi. Prezidentimiz, Premýer ministrimiz, ministrlerimiz demokratiýa laýyklykda agdarlyşygyň öňüni aldylar. Döwletiň we halkyň jebislikde hereket etmegi netijesinde harby agdarlyşyk etmäge synanşanlar maksadyna ýetip bilmediler”diýdi.

Goşun generaly Dündar öz Mejlisini bombalanlary halkymyz asla ýatdan çykarmaz. Halkymyza öz minnetdarlygymy bildirýärin. Türkiýede agdarlyşyk döwri dolulygyna ýapyldy” diýdi.

Goşun generaly Dündar synanşykda 41-i polis, 2-i esger 90 adamyň şehit bolandygyny, synanşyga gatnaşan 104 esgeriň öldürlendigini, 1563 esgeriň hem tussag edilendigini aýtdy.

Baş ştabyň başlygy goşun generaly Hulusi Akaryň wezipesine başlandygyny aýdan Dündar “Beýleki serkerdeleriiz hakynda haýsydyr bir maglumat bermegim mümkin däl” diýdi.

Goşun generaly Dündar ýaragly güýçleriň parallel ulgamyň agzalaryndan saplanjakdygyny hem aýratyn belledi.