Dawutogly Merkel bilen telefon arkaly söhbetdeşlik geçirdi
Dawutogly bilen Merkel bikanun göç edilşige garşy göreş we Siriýadaky soňky wakalar hakynda pikir alyşdy
Premýer ministr Ahmet Dawutogly Germaniýanyň Federal Kansleri Angela Merke bilen telefon arkaly söhbetdeşlik geçirdi.
Dawutogly bilen Merkel telefon söhbetdeşliginde bikanun göç edilşige garşy göreş we Siriýadaky soňky wakalar hakynda pikir alyşdy.
Ahmet Dawutogly telefon söhbetdeşliginde Siriýada hüjümleriň bes edilmegi meselesinde gazanylan ylalaşyga laýyklykda hereket edilmeginiň ilkinji nobatda Siriýada asuda ilatyň howpsyzlygy taýdan diýseň möhümdigini belledi we DEAŞ we PÝD/ÝPG ýaly terror guramalarynyň pusatdan peýdalanmagyna rugsat berilmezligini nygtady.
Iki lider bikanun göç edilşige garşy göreş meselesinde Türkiýe bilen Germaniýanyň we Türkiýe bilen ÝB-niň arasyndaky hyzmatdaşlyk hakynda pikir alyşdy we liderler hyzmatdaşlykdan hoşaldyklaryny belledi.
Dawutogly bilen Merkel 7-nji martda geçiriljek Türkiýe-ÝB maslahatynyň göç edilşik ýaly aktual meseleler bilen birlikde Türkiýe bilen ÝB-niň arasyndaky gatnaşyklaryň seljerilmegi taýdan uly pursat dygyny nygtady.
