Tanžu Bilgijiň Türkiýe-Müsür gatnaşyklary baradaky beýanaty
Kataryň Müsür bilen gatnaşyklaryny kadalaşdyrmak ugrundaky başlangyçlaryndan soň ünsler sebite gönükdi…
Türkiýe bolsa adam hukuklaryna sarpa goýmaklyga esaslanýan syýasatynda ygrarly.
Daşary işler ministrliginiň metbugat geňeşçisi Tanžu Bilgiç “Müsür giňgerimli, deňlige esaslanýan syýasat alyp baran halatynda özara gatnaşyklarymyzy seljereris” diýdi.
Daşary işler ministrliginiň metbugat geňeşçisi Bilgiç hepdelik metbugat ýygnagynda žurnalistleriň soraglaryna jogap berdi.
Tanžu Bilgiç Müsür-Katar gatnaşyklary baradaky soraga üçünji ýurtlaryň gatnaşyklary barada garaýyş beýan etmejekdigini nygtap, Türkiýäniň çemeleşmesiniň üýtgemändigini aýtdy.
Bilgiç Türkiýäniň çemeleşmesiniň ýörelgelidigini nygtady we “Müsür giňgerimli, deňlige esaslanýan, adam hukuklaryna sarpaly syýasat alyp baran halatynda özara gatnaşyklarymyzy seljereris” diýdi.
Daşary işler ministrliginiň metbugat geňeşçisi Bilgiç Kataryň Emirinin Türkiýä guran saparynyň dowamynda Müsür bilen Türkiýäniň arasynda töwellaçylyk teklibiniň hödürlenendigi baradaky habarlaryň hakykaty beýan etmeýändigini aýtdy.
Degişli Habarlar
Hakan Fidan Katarly Kärdeşi Bilen Telefon Arkaly Söhbetdeşlik Geçirdi
Fidan bilen Al Sani Gazada başdan geçirilýän soňky wakalar hakynda pikir alyşdy.
