Türk metbugatynyň gysgaça mazmuny 22.05.2023
Gün tertibiniň ileri tutulýan ugurlary hakyndaky habarlar gündelik gazetlerde giňişleýin ýer alýar.
“Ýenişafak” gazeti, “Defne hassahanasy 57 günde açyldy” söz başyly habarynda, Prezident R. T. Erdoganyň Hatdaýda gurlan we “60 günde gutararys” diýip wada berlen Defne hassahanasynyň açylyş dabarasyna gatnaşandygyny ýazýar.
Erdogan 57 günde gurlan hassahanasynyň açylyş dabarasynda eden çykyşynda, şu günden başlap hassalaryň kabul edilmäge başlanjakdygyny belledi.
“Star” gazeti, “Türkiýe Ysraýyla reaksiýa görkezdi” söz başyly habarynda, Türkiýäniň, Ysraýylyň aşa sagçy Milli Howpsuzlyk ministri Ytamar Ben Gwiriň basyp alyşlyk astyndaky Gündogar İerusalimde ýerleşýän Aksa metjidine guran operasiýasyny ýazgarandygyny nygtandygyny habar berýär.
Mesele hakynda berlen beýannamada “Bu meçwb beriji aksiýalar asla kabul edilmez” diýildi.
“Habertürk” gazeti, “TPAO, Şehit Aýbüke Ýalçyn-2 guýusynda burawlaýyş işlerine başlady” söz başyly habarynda, Türkiýe nebitleri anobim firmasy TPAO-nyň Şyrnakda terrordan saplanan Gabar dagyndaky Şehit Aýbüke Ýalçyn -2 guýusynda burawlaýyş işlerine başlandygyny mälim edýär.
“Hürriýet” gazeti, “Ortaýer deňizinde tebigy gaz geçirijisini Türkiýesiz göz öňüne getirmek mümkin däl” söz başyly habarynda, Italiýaly energetika firmasy ENI-niň ýokary derejeli ýolbaşçysy Klaudio Deskalziniň, Türkiýesiz Orta ýer deňizinde tebigy gaz turba geçirijisiniň gurulmagynyn mümkin däldigi hakyndaky sözlerine ýer berýär.
“Sabah” gazeti, “Nuri Bilge Jeýlan Kanda ünsleri özüne çekdi” söz başyly habarynda, şu ýyl 76-njysy geçirlen Kan kino film festiwalynda, Nuri Bilge Jeýlanyň TRT bilen birlikde surata düşüren “Gury otlagyň üstünde” atly filminiň, Altyn Palme baýragyny almak üçin bäsleşen 21 filmiň hatarynda ýer alandygyny buşlaýar.
