Türk metbugatynyň gysgaça mazmuny
Gündelik gazetler ýurduň we dünýäniň gün tertibibiň ileri tutulýan ugurlary bilen bagly habarlara giň orun berýärler.
“Hürriýet” gazeti “Möhüm telefon söhbetdeşliginde ýaraşygyň ähmiýeti nygtaldy” söz başyly habarynda, Prezident R.T.Erdoganyň Awstriýanyň Premýer-ministri Karl Nehammer bilen telefon arkaly söhbetdeşlik geçirendigini ýazýar. Erdogan telefon söhbetdeşliginde Ukrainadaky söweşda pajygaly şertleri ortadan aýyrmak we hüjümleri bes etmek üçin her bir şertden peýdalanmagyň, ýaraşyk gepleşiklerinden netije almak üçin Stambul tapgyrynyň goldanmalydygyny beýan etdi. Erdogan parahatçylykly çözgüt ugrundaky tagallalaryny dowam etdirjekdigini aýtdy.
“Star” gazeti “Slowakiýa “Baýraktar TB2” üçin hereket geçdi” söz başyly habarynda, dünýäde giňden tanalýan türk önümi ýaragly uçarmansyz howa ulagy “Bakraktar TB2-ni” almak üçin ýene-de bir ýurduň isleg bildirendigine ünsleri çekýär. Slowakiýanyň Goranmak ministri “Bakraktar TB2” satyn almak üçin Türkiýe bilen gepleşiklere başlanandygyny aýtdy.
“Ýeni Şafak” gazeti “Türkiýäniň Mawy watan göçümi” söz başyly habarynda, Türkiýäniň halkara söwda gatnaşygy we ulaglar ulgamynyň utgaşyklygy taýdan esasy deňiz ýollaryndaky port desgalarynyň sanyny 2053-nji ýyla çenli 217-den 255-e ýetirmegi nazarda tutýandygyny mälim edýär. Aýranym “Ýaşyl port” tejribesini ýaýbaňlandyryp, portlarda ýokary mukdarda gaýtadan işlenýän energiýa serişdeleriniň sarp edilmegini üpjün ediler.
“Haber Türk” gazeti “Enjam eksportunda rekord” söz başyly habarynda, Türkiýäniň enjam eksportunyň ýylyň birinji çäýeginde 6,1 milliard dollara ýetip, rekord goýandygyny ýazýar. Birinji çärýeginde jemi eksportuň 5 göterimden gowragyny söweşe garamazdan Russiýa we Ukraina edilen bolsa, Germaniýa we ABŞ-na 1 milliard dollardan gowrak haryt satyldy.
“Watan” gazeti “Stambul dünýäniň iň özüne çekiji şäherlerinden biri” söz başyly habarynda, 2021-nji ýylyň iň özüne çekiji şäherleriniň sanawynyň çap edilendini okyjy köpçüliginiň dykgatyna ýetirýär. Şäherleriň sanawy düzülýärkä koronawirusa garşy göreş, infrastrukturasy, durnuklylygy, ykdysadyýeti, ýaşaýjylary üçin ýaşaýyş durmuşynyň amatlyklary göz öňünde tutuldy. Merkezi Britaniýada ýerleşýan “Ýewromonitor” guramasy tarapyndan düzülen sanawda Türkiýede Stambul şäherine orun berildi.
