Türk metbugatynyň gysgaça mazmuny
Ýurduň we dünýäniň gün tertibiniň ileri tutulýan ugurlary bilen bagly habarlar gündelik gazetlerde giň beýan tapýar
“Haber Türk” gazeti “Prezident Erdogan koronawirus garşy göreşde goşmaça çäreleriň goýulandygyny beýan etdi” söz başyly habarynda, Prezident R.T.Erdoganyň koronawirusa garşy alynyp barylýan göreşiň çaginde goşmaça çäreleriň görüljekdigini beýan edendigini ýazýar. Şoňa laýyklykda hepdäniň dynç alyş günlerinde üpjünçilik we önümçilik hyzmatlaryny bökdemejek görnüşde köçä çykma çäklendirmeleri goýular. Orta mekdeplerde dersler ýylyň ahyryna çenli onlaýn dowam eder. Söwda merkezleri, dükanlar, dellekhanalar, restoranlar sagat 10:00-20:00 arasynda açyk bolar. Kino-konsert zallary ýylyň ahyryna çenli ýapyk bolar. Ähli sport bäsleşikleri janköýersiz oýnalar.
“Star” gazeti “Türk esgeri Garabag ýolunda” söz başyly habarynda, Azerbaýjana harby güýç ugratmak hakyndaky Prezidentiň Ygtyýarnamasynyň Türkiýäniň Beýik Millet Mejlisinde kabul edilendigini we türk esgerlerinin Russiýa bilen bilelilikde açyljak gözegçilik merkezinde iş alyp barjakdygyny ýazýar.
“Sabah” gazeti “Ministr Akaryň DKTR hakyndaky beýannamasy: Bassyr-ýussurlyga ýol bermeris” söz başyly habarynda, Milli goranmak ministri Hulusi Akaryň Baş ştabyň Başlygy we goşun serkerdeleri bilen geçiren wideoaragatnaşyk arkaly maslahatynda “Türkiýe elmydama Demirgazyk Kipr türk Respublikasynyň hukugyna, hakyna eýe çykar, onuň basgylanmagyna ýol bermeris” diýen sözlerini okyjy köpçüliginiň dykgatyna ýetirýär.
“Hürriýet” gazeti “Elwan: “Özgertme häsýetindäki ähli ugurlarda degişli başlangyçlar ediler” söz başyly habarynda, Gazna we maliýe ministri Lütfi Elwanyň ykdysadyýet hakynda beren beýannamasynda: “Makro ykdysady durnuklylyk, maliýe durnuklylygy we nyrhlaryň durnuklylygy iňňän möhüm. İş meýilnamamyzyň özenini şular emele getirýär. Biziň ýerlikli, hakly gören ugurlarymyz bolan halatynda özgertme häsýetli ähli ugurda degişli başlangyçlary ederis” diýendigni ýazýar.
“Ýeni Şafak” gazeti “Akkuýu Atom energiýa bekedi üçin taryhy başlangyç: Bütin Türkiýäni şöhlelendirer” söz başyly habarynda, Energetika we tebigy serişdeler ministrliginiň Twitter hasabyndan berilen habarnamada “Akkuýu atom energiýa bekediniň 3-nji bölümi üçin gurluşyk lisenziýasy berildi. 2023-nji ýyla çenli ilkinji reaktor ulanmaga beriler we energetika portfelimize täze bir energiýa çeşmesi goşular. Akkuýudan çykaryljak elektrik energiýasy bütin Türkiýäni şöhlelendirer” diýilýändigini okyjy köpçüliginiň dykgatyna ýetirilýär.
