Türk metbugatynyň gysgaça mazmuny

“Haber Türk” gazeti “Umydyň ady: “Aýda Gezgin” söz başylygy habarynda, Izmirde ýer titremesi sebapli agyr ýitgi çeken Baýrakly etrabynda 3 ýaşly Aýda Gezgin atly gyzjagazyň 91-nji sagatda halas edilendigini ýazýar.

“Sabah” gazeti “Ministr Akaryň Gündogar Ortaýer deňizi hakyndaky beýannamasy” söz başyly habarynda, Milli goranmak ministri Hulusi Akaryň Gündogar Ortaýer deňizi hakynda beren beýannamasynda Gresiýanyň läliksiremekden el çekip, halkara hukuga laýyk hereket etmelidigini nygtap: “Hiç kim güýjünden, hetdinden aşyp, başga işlere baş goşmasyn, olaryň soňy netijesiz. Hakymyzy iýdirmedik, iýdirmeris” diýen sözlerini okyjy köpçüliginiň dykgatyna ýetirýär.

“Ýeni Şafak” gazeti “Awstriýada terror hüjümi: Iki türk milli gahryman yglan edildi” söz başyly habarynda, Awstriýanyň paýtagty Wena şäherinde guralan terror hüjüminde bir zenany we bir polis gullukçysyny halas eden iki türküň ýurtda milli gahryman yglan edilendigine ünsleri çekýär. Hüjümde ýaralanan bir zenany restorana getiren Rejep Taýýip Gültekin bilen Mikail Özen hüjümiň guralan ýerindäki adamlara “egiliň, bukulyň” diýip, ugrukdyrdy.

“Star” gazeti “Dünýäde 3 ýurtda bar! Türkiýe 5 ýurdy üpjün edýär” söz başyly habarynda, Transport we infrastruktura ministri Adil Karaismailoglunyň Halkara emeli hemra bazaly deňiz we awia halas ediş ulgamyna amaly duýduryş beriji simulýator birikdirendiklerini aýdandygyny ýazýar. Ministr Karaismailogly: “Türkiýe bütin adamzada hyzmat edýär. Dünýäde üç ýurtda bolan emeli hemra arkaly duýduryja simulýator birikdirdik. Gruziýa, Ukraina, Eýran, Yrak we Owganystan utgaşdyryjy ýurt hökmünde hyzmat berýäris” diýdi.

“Hürriýet” gazeti “Ösüş ýokary depginde dowam edýär” söz başyly habarynda, Türkiýäniň awtoulag we ýeňil awtoulag bazarynyň ýanwar-oktýabr aýlarynyň aralygynda geçen ýylyň degişli döwrüne görä 78,1 göterim ýokarlap, 588,354-e ýetendigini mälim edýär.