Türk metbugatynyň gysgaça mazmuny
Dünýäniň we ýurduň gün tertibiniň ileri tutulýan ugurlary bilen bagly habarlar gündelik gazetlerde giň beýan tapýar
“Watan” gazeti “Erdogan: Beýle zat asla kabul edilmez” söz başyly habarynda, Prezident R.T.Erdoganyň düýn ABŞ-nyň Nýu-Ýork şäherinde Türkiýe bilen Pakistanyň guramagynda geçirilen “Kemsidiji diskurslara garşy göreş” temaly çarede “Parahatçylygyň dini bolan yslamy terror bilen ýanaştyrmak iňňän uly töhmetdir, ahlaksyzlyktyr. Beýle zat kabul edilmesiz” diýendigini ýazýar. Gazet Erdoganyň Türkiýäniň ýaýbaňlanýan yslam duşmançylygyna, rasizme, kemsidiji diskursa garşy netijeli göreşmek ugrundaky tagallalara öňbaşçy bolmaga dowam etjekdigini aýdandygyny mälim edýär.
“Star” gazeti “Türk harby uçarlary Ýefradyň gündogaryna 3-nji gezek uçdy” söz başyly habarynda, türk F-16 harby uçarlarynyn düýn sagat 10:00-12:00 aralygynda Siriýanyň howa giňişliginde Ýefrat derýasynyň gündogarynda uçuş amala aşyrandygyny okyjy köpçüliginiň dykgatyna ýetirýär. Habarda Milli goranmak ministrliginiň Twitter hasabyndan berilen habarnamada: “ “Tebigy ygrarlylyk” operasiýasynyň çäginde Howa güýçleri serkerdeligize degişli 2 sany F-16 bilen sagat 10:00-12:00 aralygynda Siriýanyň howa giňişliginde, Ýefrat derýasynyň gündogarynda uçuş amala aşyryldy” diýilýändigine üns çekilýär.
“Sabah” gazeti “ “Atmaja” raketasy synagdan üstün bilen geçdi” söz başyly habarynda, Türkiýäniň ilkinji deňiz raketasy “Atmajanyň” soňky synag atyşynyn üstünlik bilen amala aşyrylandygyny mälim edýär. Gazet Prezidentiň ýanyndaky Goranyş senagaty edarasyndan berilen beýannamada Deňiz güýçleri serkerdeliginiň Milli gämi platformalarynda ornaşdyrylmak üçin gämiden-gämä ganatly raketa işleğini kanagatlandyrmak üçin Kesgitli aralyk üçin niýetlenen ugrukdyrylýan gülle taslamasynyň iş ýüzüne geçirilýändigi barada maglumat berilendigini ýazýar.
“Ýeni Şafak” gazeti “Türkiýäniň funduk satuwynda Germaniýa birinji orunda” söz başyly habarynda, dünýäde funduk önümçiligi we bazary goýunça esasy orny eýeleýän Türkiýeden 2018-nji ýylyň 1-nji sentýabryndan 2019-njy ýylyň 31-nji awgustyna çenli bolan aralygynda funduk satylan esasy ýurtlaryň hatarynda birinji orny ýene-de Germaniýanyň eýeländigini, İtaliýa bilen Fransiýanyň hem ýokary isleg bildiren ýurtlaryň hatarynda durýandygyny okyjy köpçüliginiň dykgatyna ýetirýär.
“Hürriýet” gazeti “Sakarýadan 8 aýda 138 ýurda eksport edildi” söz başyly habarynda, Türkiýäniň awtoulag eksportynda esasy şäherlerden biri bolan Sakarýanyň ýylyň 8 aýynda 138 ýurda we 10 erkin söwda zolagyna 3,3 milliard dollarlyk eksport edendigine ünsleri çekýär. Habarda şäheriň ýanwar-awgust aýlarynyň aralygynda awtoulag pudagy boýunça 3 milliard 56 million dollarlyk eksporty amala aşyrandygy nygtalýar.
