Türk Metbugatynyň Gysgaça Mazmuny
Dünýäniň we ýurduň gün tertibiniň ileri tutulýan ugurlary bilen bagly habarlar gündelik gazetlerde giň beýan tapýar
“Ýeni Şafak” gazeti “Pul durnuklylyga we ynama geldi” söz başyly habarynda, Ylym, senagat we tehnologhiýa ministri Faruk Özlüniň gönüden daşary ýurt maýa goýumlarynyň ynamdar ýurt gözleýändigini nygap, 2016-njy ýylda Türkiýa 12.1 milliard dollara barabar gönüden daşary ýurt maýasynyň goýulandygyny, türkleriň taryhyň haýsydyr bir döwründe ýapyk jemgyýet bolandygyna ünsi çekip; “Türkiýe ähli ýalňyş gönükdirmelere garamazdan daşary ýurt maýasyny çekmäge dowam eder” diýen sözlerini okyjy köpçüliginiň dykgatyna ýetirýär.
“Hürriýet” gazeti “Türkiýe saglygy saklaýyş syýahatçylygynda birinji bäşlikde” söz başyly habarynda, Saglyk maýadarlary jemgyýetiniň başlygy İhsan Şahiniň Türkiýäniň saglygy saklaýyş syýahatçylygynda ilkinji bäşlige degişli bolandygyny aýdandygyny ýazýar. Gazet İhsan Şahiniň “Halkara bäsdeşlere garamazdan Türkiýäniň bu pudakdaky ösüşi dowam edýar” diýen sözlerine ünsleri çekýär. Saglygy saklaýyş syýahatçylygy taýdan dünýä derejesinde geçirilýän tanyşdyrlyş işleriniň gowy netije berýändigine ünsi çeken Şahin: “Bejergi maksatly gelýän syýahatçylaryň sany günsaýyn artýar” diýdi.
“Sabah” gazeti “Döwlet pul basdy” söz başyly habarynda, döwlet edaralarynyň 2016-njy ýylda görülmedik derejede girdeji alandygyny, döwlet eýeçiliginiň jemi girdejisiniň 2,17 milliarddan, 17,4 milliard türk lirasyna çenli ýokarlandygyny mälim edýar. Habarda 25 döwlet edarasynyň gazanan girdejisiniň ýany bilen Merkezi bankyň we beýleki döwlet banklarynyň 15,9 milliard türk lirasyna barabar girdeji paýyny gazanandygy nygtalýar.
“Star” gazeti “Howa gatnawynda Ýewropada birinji orny eýeledik” söz başyly habarynda, Türkiýäniň Ýewropada birinlige göterilendigini, Transport ministri Arlanyň “Türkiýe iýul aýynda gonuş we uçuş taýdan Ýewropanyň howa giňişligine günde ortaça 283 täze gatnaw goşup, Ýewropada 1-nji ýeri eýeledi” diýen sözlerini okyjy köpçüliginiň dykgatyna ýetirýär.
“Watan” gazeti “Türk ýaragly güýçleri 6 uçary inwentaryna goşar” söz başyly habarynda, Türk ýaragly güýçlerine CASA CN-235 kysymly ýük uçarlary bilen bir kategoriýa girýän 6 sany täze uçar aljakdygyny, gury ýer goşunlarynyň ulanmagyna beriljek uçarlaryň personal we enjam gatnatmaga hem-de gury ýerden gury ýere raketa atmaga ukyply boljakdygyny ýazýar.
