Türk metbugatynyň gysgaça mazmuny 28.10.2014
Dünýäniň we ýurduň gün tertibiniň ileri tutulýan ugurlary bilen bagly habarlar gündelik gazetlerde giň beýan tapýar
“Sabah” gazeti “Türkiýeden habara garaşýarlar” söz başyly habarynda, Yragyň Kürt Awtanomiýasynyň peşmerge ministri Mustafa Seýid Kadiriň ýaragly güýçleriň Kobani şäherine gitmek üçin Türk hökümetiniň jogabyna garaşýandygyny aýdandygyny ýazýar. Gazet Mejlisde halk deputatlary bilen duşuşan Kadirin “peşmerge güýçlerimiz Kobani şäherine gitmek üçin taýar. Ýola düşmek üçin Türkiýänin hökümetinden jogaba garaşýarys. Jogap gelen badyna ýola düşeris” diýen sözlerini okjy köpçüliginiň dykgatyna ýetirýär.
“Akşam” gazeti “Ak Tamdan möhüm beýanat” söz başyly habarynda, Ak Tamdan berilen beýanata laýyklykda ABŞ-nyň Wise-prezidenti Jo Baýdynyň 17-nji noýabrda Marokkany, Ukrainany we Türkiýäni öz içine alýan sapara çykjakdygyny mälim edýär. Habarda saparynyň soňky bölüminde Türkiýä geljek Baýdynyň Prezident R.T.Erdogan we Premýer ministr Ahmet Dawutogly bilen duşuşjakdygy nygtalýar.
“Star” gazeti “Gönüden maýa goýum 8 aýda 8,6 milliard dollara ýetdi” söz başyly habarynda, geosyýasy howplara garamazdan Türkiýä gelen gönüden maýa goýumlarynyň depgininiň gowşamandygyna üns çekilýär. Gazet ýylyň 8 aýynda gönüden daşary ýurt maýa goýumynyň geçen ýylyň şol döwri bilen deňeşdirilende 9,8 göterim artyp, 8,6 milliard dollara ýetendigini ýazýar.
“Ýeni Şafak” gazeti “İlkinji gezek türk lukmanyna berilen baýrak” söz başyly habarynda, Ýewropanyň pediatri boýunça esasy guramalaryndan biri bolan Pediatri jemgyýetleriniň Ýewropa akademiýasynyň kongresiniň İspaniýanyň Barselona şäheride geçirilendigi okyjy köpçüliginiň dykgatyna ýetirýär. Gazet şu ýyl 5-njisi geçirilen we dünýä boýunça 40 ýurtdan pediatrlaryň gatnaşmagynda geçirilen maslahatda şu ýyl türk lukmanlaryndan biriniň üns merkezinde bolandygyny, “Pediatr we täze doglan bäbekleriň reanimasiýasy” ugrunda “İň ýaş ylmy barlagçy” barýagynyň dosent doktor Merih Çetinkaýa berilendigi mälim edýär.
“Milliýet” gazeti “Maslahat syýahatçylygyna 3 milliard dollar geler” söz başyly habarynda, Türkiýäniň Syýahat gulluklary bileleşiginiň başlygy Başaran Ulusoýyň “Şu ýyl kongres syýahatçylygynyň girdejileri 3 milliard dollara ýeter” diýen sözlerine üns çekilýär. Gazet Ulusyň : “Türkiýänin medeni syýahatçylykda bolşy ýaly kongres syýahatçylygynda-da marka ýurda öwrülýär. Stambulyň başda durmagynda Antalýa, Ankara, İzmir, Bursa we Kuşadasy ýaly şäherlerdäki kongresler merkezleri köp sanly halkara maslahatyna ýer eýeçiligi edýär. Diňe Stambulda 49 müň delegat kabul ederis” diýen sözlerini çap edýär.
