Ersin Tatar Prezident Erdoganyň DKTR-na gurajak sapary barada beýanat berdi

DKTR-nyň Prezidenti Ersin Tatar, paýtagt Lefkoşa şäherindäki Perzident ofisinde Anadoly habarlar agentligine beren beýanatynda, saýlawda üstünlik gazanan Prezident Erdoganyň täze döwürde ilkinji daşary ýurt saparyny DKTR-na guramagy meýilleşdirmeginden hoşaldygyny mälim etdi. 

Ersin Tatar: "Hormatly Prezident Erdoganyň ilkinji daşary ýurt saparyny DKTR-na guramagy meýilleşdirmegi uly ähmiýete eýedir. Hormatly Erdoganyň bu ýere gurajak sapary, dünýäniň bize garşy goýan embargolara, izolýasiýalara we päsgelçiliklere garşy Türkiyäniň DKTR-a berýän ähmiýetini we gymmadyny görkezýär. Türkiye DKTR-na eýe çykýar. Hormatly Prezident Rejep taýýip Erdogan Nýu-Ýorkdaky BMG-nyň Baş Assambleýasynda eden çykyşynda hem, bütin dünýä DKTR-ny ykrar etmegiň wagtynyň gelendigini habar beripdi. Horamtly Prezident Erdogana ilkinji daşary ýurt saparyny ýurdumyza guramagy meýilleşdirmegi sebäpli Kipr türk halkynyň adyndan minnetdarlyk bildirýärin" diýip belledi. 

Saparyň ähmiýeti bilen birlikde şeýle hem bütin dünýä bir ýüzlenmedigini aýdan Ersin Tatar: "Hormatly Erdoganyň DKTR-na gurajak sapary bilen dünýä DKTR bir döwletdir. Türkiye Respublikasy şol döwleti soňuna çenli goldaýar ýüzlenmesi berilýär" diýip mälim etdi. 

Täze döwürde Türkiye bilen gatnaşyklary has hem özgertjekdiklerini aýdan Ersin Tatar: "Türkiyäniň goldawy bilen DKTR Gündogar Ortaýer deňizinde bir Türk Döwleti hökmünde baky ýaşar" diýip nygtady.