Gyrgyzystanyň täze premýer ministri belli boldy

Gyrgyzystanyň Mejlisi tarapyndan geçirlen sese goýulşykda ýurduň täze premýer ministri saýlandy.

50 ýaşyndaky Muhamedkaliý Abdylgaziýew Gyrgyz Respublikasynyň täze premýer ministri boldy.

Ýurduň syýasy taryhynda ilkinji gezek mejlisde ynam sesini alyp bilmedik Premýer ministr Sapar İsakowyň ýolbaşçylygyndaky şäriklik hökümetiniň iş başyndan çekilmeginden soň täze şäriklik hökümetiniň gurulmagy baradaky işler tamamlandy.

Sosýal Demokrat partiýasynyň başlygy Isa Omurkulow Mejlisde geçirlen sese goýulşykda eden çykyşynda, Sosýal Demokrat partiýanyň, Gyrgyzystan partiýasynyň, Bir ýol partiýasynyň  we Jemhuriýet-Ataýurt partiýasynyň gatnaşmagyndaky şariklik hökümetiniň Gyrgyz Respublikasynyň Premýer ministri wezipesine mejlisden daşary Gyrgyzystanyň Prezident diwanynyň iş dolandyryjysy Muhammedkaliý Abdylgaziýewi dalaşgärlige hödürleýändiklerini aýtdy.

Mejlisde geçirlen sese goýulşykda hökümetiň iş meýilnamasynyň we gurluşynyň tanyşdyrylmagyndan soň halk deputatlary täze premýer ministrini, hökümetiň gurluşyny we ministrler kabinetiniň agzalaryny saýlamak üçin aýry aýyr ses berdi.

120 kürsüli mejlisde geçirlen sese goýulşyga gatnaşan 115 halk deputaty bir agyzdan Abdylgaziýewiň premýer ministrligi üçin “kabul” sesini berdi.

Prezident Sooronbaý Jeenbekow Premýer ministr Abdylgaziýewiň ýolbaşçylygyndaky şäriklik hökümetini tassyklady.