“Rasizme garşy bilelikde iş alynyp barylmasa terrora garşy göreş netijeli bolmaz”

Erdogan Azerbaýjanyň paýtagty Bakuwda BMG-nyň Medeniýetleriň Arkalaşygynyň 7-nji forumynyň açylyş maslahatyna gatnaşdy.

Erdogan ol ýerde eden çykyşynda Medeniýetler Arkalaşygynyň ýeten sepgidine garamazdan esasy maksatlaryndan örän uzakdadygyny nygtady.

Prezident Erdogan: “Biz Medeniýetler Arkalaşygynyň döredilmegine iteren adamlary, ynançlary, kökleri we medeniýetleri düýbinden aýyran pikirleri entegem ýeňip geçip bilmedik. Radikal toparlara we şol toparlaryň sebäp bolýan terrora bizden garaşylan umumy we tutanýerli göreşi ýeterlik derejede görkezip bilmedik” diýdi.

Erdogan Siriýada, Yrakda, Nigeriýada, Fransiýada, Pakistanda, Türkiýede, Belgiýada we Ispaniýada bombalaryň yzly-yzyna partlaýandygyny, bolup geçýän wakalara garşy umumy pozisiýa, garaýyşa we herekete eýe däldiklerini belledi.

Eden-etdilige sebäp bolýan syýasy çaknyşyklara, nähaklyga we deňsizlige çäre tapmandyklaryny, eden-etdilikleriň sebäbine garşy göreşde iň wajyp ýaraglaryň biriniň tapawutlylyklary ýeňip geçip, ikitaraplaýyn ýagdaýda düşünişmek we diýalogy ösdürmekdigini, emma muny bütin dünýä kabul etdirip bilmediklerini aýdan Prezident Erdogan bölünmegiň ýerine umumy medeniýetiň höküm sürmelidigini nygtady.

Siriýadaky meseleler babatynda durup geçen Erdogan ol ýurtda döwlet terrorynyň bardygyny we ýurtda adamlary barrel bombalary, toplar, taňklar bilen öldürýän bir terrorçynyň hökümetiň başyndadygyna ünsleri çekdi.