GDA-na agza ýurtlar Bişkekde duşuşdy

Garaşsyz Döwletleriň Arkalaşygyna agza ýurtlaryň Daşary işler ministrleri Gyrgyz Respublikasynda duşuşdy
GDA-ga agza ýurtlaryň daşary işler ministrleriniň maslahatyna ýer eýesi Gyrgyz Respublikasynyň Daşary işler ministri Abdyldaýew bilen birlikde Ermenistanyň Daşary işler ministri Edward Nalbandýan, Belarusyň Daşary işler ministri Wladimir Makeý, Gazagystanyň Daşary işler ministri Erlen İdrisow, Russiýanyň Daşary işler ministri Sergeý Lawrow, Täjigistanyň Daşary işler ministri Sirodjidin Aslow, Türkmenistanyň Daşary işler ministri Raşid Meredow, Maldowanyň Daşary işler ministriniň orunbasary Tudor Ulýanowski, Azerbaýjanyň baş ilçisi Fahraddin Gurbanow, Ukrainanyň baş ilçisi Nikolaý Doroşenko we Garaşsyz Döwletleriň Arkalaşygynyň Ýerine ýetirijiler komitetiniň başlygy Sergeý Lebedew gatnaşdy.
Maslahatda 2016-2020-njy ýyllaryň arasynda Garaşsyz Döwletleriň Arkalaşygyna agza ýurtlaryň arasyndaky serhetleriň güýçlendirilmegini we tebigy apatlarda ýakyndan hyzmatdaşlyk edilmegini göz öňünde tutýan iki taslama kabul edildi.
GDA-na agza ýurtlaryň Daşary işler ministrleriniň güýz aýlaýynda Gazagystanyň paýtagty Astanada duşuşmagy barada karar kabul edildi.