Balykesir welaýatynda Rim döwründen galan hammam tapyldy
Gazuw-agtaryş işleriniň başlygy Mimar Sinan Şekillendiriş sungaty uniwersitediniň Arheologiýa bölüminiň agzasy Murat Özgen täze taryhy tapyndy barada maglumat berdi
Türkiyäniň Balykesir welaýatynyň Burhaniýe etrabynda 11 ýyl dowam eden gazuw-agtaryş işleriniň netijesinde Adramytteion gadymy şäherinde, Rim döwrüne degişli port hammamynyň ýerasty ýyladyş ulgamy tapyldy.
Gazuw-agtaryş işleriniň başlygy Mimar Sinan Şekillendiriş sungaty uniwersitediniň Arheologiýa bölüminiň agzasy Murat Özgen, tapylan port hammamy barada: "Bu gurluşyň biziň eramyzyň 2-nji ýa-da 3-nji asyryna degişli bir desgadygyny bilýärdik. Gurluş içinde tapylan tapyndylar bilen bilelikde bu ýeriň Rim döwrüniň port hammamydygyny kesgitledik. Öňümizdäki ýyllarda bu meýdançanyň ähli ýerinde gazuw-agtaryş işleri dowam ediler" diýip habar berdi.
Degişli Habarlar
Rim Döwrüne Degişli 2 Heýkel Tapyldy
Ministr Ersoý, gadymy Aspendos şäherinde geçirilýän gazuw-agtaryş işleri hakynda maglumat berdi