Erjiýes Liža Merkezi Iň Gowy Liža Merkezleri Bäsleşiginiň 2-nji Tapgyryna gatnaşar
Bäsleşige Italiýadan, Şwesariýadan, Awstriýadan Norwegiýadan we Türkiýeden jemi 16 liža merkezi gatnaşýar
Kaýseriniň şäher merkezinden 25 kilometr alysda, 3 müň 916 metr belentlikdäki Erjiýes dagynda gurlan Erjiýes liža merkezi Ýewropadaky saýlama liža merkezleriniň arasynda geçirilýän "2021 The Best Ski Resort of The World" bäsleşiginiň ikinji tapgyryna gatnaşmaga hukuk gazandy.
Halkara derejesinde deňsiz-taýsyz gyşky merkezlerden biri ýagdaýyna gelen Erjiýes, 2021-nji ýylyň iň gowy liža merkezleri bäsleşigine Türkiýeden gatnaşýan ýeke-täk liža merkezi boldy.
Merkezi Britaniýada ýerleşýän we dünýäniň iň tanymal liža saýtlaryndan go4ski.com-yň her ýyl Ýewropadaky saýlama liža merkezleriniň arasynda geçirýän 2021-nji ýylyň iň gowy liža merkezi bäsleşigine gatnaşan Erjiýes liža merkezi, dünýä ýurtlarynda ýakyndan tanalmaga dowam edýär.
Bäsleşige Italiýadan, Şwesariýadan, Awstriýadan Norwegiýadan we Türkiýeden jemi 16 liža merkezi gatnaşýar.
Erjiýes liža merkezi, wideo aragatnaşyk ulgamy arkaly geçirilýän we 4 tapgyrdan ybarat bäsleşigiň birinji tapgyrynda Italiýadaky Alpe Lusia liža merkezini ýeňmegi başardy.
Erjiýes liža merkezi bäsleşigiň ikinji tapgyrynda italiýaly bäsdeşi Zinnen Dolomites bilen ýanwar aýynyň 11-12-i aralygynda bäsleşer.
Degişli Habarlar
Türkiyäniň radio we telewideniýe guramasy (TRT) 60 ýaşynda
Türkiyäniň wizual we eşidiş belligi, Türkiyäniň radio we telewideniýe guramasy (TRT) 60 ýaşynda ...