Howpsyz Syýahatçylyk Şahadatnamaly Myhmanhanalaryň Sany Artýar

Antalýada sagdyn we gyzykly dynç alyş hyzmaty üçin Howpsyz syýahatçylyk şahadatnamasyny alan myhmanhanalaryň sany günsaýyn artýar.

Dünýä syýahatçylygynda esasy orun eýeleýän Antalýada Howpsyz syýahatçylyk şahadatnamasy üçin ýüz tutan 491 myhmanhanadan 301 sanysy resminama aldy.

Koronawirusa garşy görülýän çärelere laýyklykda Medeniýet we syýahatçylyk ministrliginiň başlangyjy boýunça Saglygy goraýyş, Transport we infrastruktura, Içeri hem-de Daşary işler ministrlikleriniň goldaw bermeginde ähli pudak paýdarlarynyň hyzmatdaşlygynda başladylan Sagdyn syýahatçylyk şahadatnamalandyryş maksatnamasy ýerli we daşary ýurtly syýahatçylara “ynamly dynç alyş” şertini döredýär.

Içerki bazardan soň Ukrainadan we Britaniýadan gelen syýahatçylar bilen şowhuny artan Antalýada maksatnama degişli bolan myhmanlaryň sany günsaýyn artýar.

Türkiýäniň Syýahatçylygy Tanyşdyryş we Kämilleşdiriş Gullugynyň saýtyndaky “Myhmanhanalary resminamalaşdyryş we restoran, kafe şahadatnamalandyryş” sanawyndan alynan maglumatlara görä bildirişiň berilen gününden bäri Antalýada 491 myhmanhana şahadatnama üçin ýüz tutupdyr.

22-nji iýula çenli şoldan 301 sanysyna resminama berilipdir. 190 kärhananyň bolsa resminamalaşdyryş tapgyry dowam edýär.