“Garaşsyzlyga bagşedilen ömür: Mahambet Ötemişuly” atly kitabyň Türk dilindäki tanyşdyrlyşy guraldy
Tanyşdyrlyş çäresine Gazagystanyň Ilçihanasynyň geňeşçisi Alimhan Ýesengeldiýew, Ýewraziýa Ýazyjylar Bileleşiginiň başlygy Ýakup Ömerogly we alymlar gatnaşdylar
Gazagystanyň Türkiýedäki ilçihanasynda Gazagystan-Türkiýe diplomatik gatnaşyklarynyň 25 ýyllygyna bagyşlanyp “Garaşsyzlyga bagşedilen ömür: Mahambet Ötemişuly” atly kitabyň Türk dilindäki tanyşdyrlyşy guraldy.
Tanyşdyrlyş çäresine Gazagystanyň Ilçihanasynyň geňeşçisi Alimhan Ýesengeldiýew, Ýewraziýa Ýazyjylar Bileleşiginiň başlygy Ýakup Ömerogly we alymlar gatnaşdylar.
Kitabyň tanyşdyrlyş çäresini açan Alimhan Ýesengeldiýew Gazagystan-Türkiýe diplomatik gatnaşyklarynyň 25-nji ýyly bilen gutlady, iki ýurduň arasyndaky medeni we jemgyýetçilik gtanaşyklaryny güýçlendirmegi maksat edinýän işler barada maglumat berdi.
Doganlyk ýurtlaryň gatnaşyklaryny ösdürmekde esasy uguryň biri-birlerini ýakyndan tanamakdygyny beýan eden Ýesengeldiýew, şol çäkde dürli ýyllarda gazak ýazyjylarynyň, şahyrlarynyň, pikirzadalarynyň we alymlarynyň eserlerini Türkiýe türkçesine terjime etmegiň ähmiýeti barada durup geçdi.
Ýesengeldiýew şolaryň iň esasylaryndan biriniň Mahembet Ötemişulynyň eserleridigini aýtdy.
Ýewraziýa Ýazyjylar Bileleşiginiň başlygy Ýakup Ömerogly bolsa Mahembet Ötemişulynyň eserleriniň türk dünýäsiniň ruhy hazynasydygyny nygtady.
Ömerogly şahyryň her bir şygyrynyň garaşsyzlygy hyýal etmek we ugrunda göreşmekdigini aýtdy.
Tanyşdyrlyş çäresiniň ahyrynda kitaby Türkiýe türkçesine terjime eden Orhan Söýlemeze we Aýabek Bainiýazowa hormat haty gowşuryldy.
Degişli Habarlar
Kruiz Gämileri Marmarise Gelmäge Dowam Edýär
Gäminiň esasy bölegi britaniýaly 1800 ýolagçysy bilen 1100 ekipažy bar.