Eýranyň Daşary işler ministri Türkiye bilen bagly beýanat berdi

Eýranyň Daşary işler ministri Hüseýin Emir Abdullahiýan Prezident Ebrahim Raisiniň Ankara guran saparynyň we netijeleriniň, Türkiye bilen ýurdunyň arasynda we sebitleýin hyzmatdaşlyk taýdan täze bir sahypanyň başlangyjy bolandygyny habar berdi. 

Eýranyň Daşary işler ministri Hüseýin Emir Abdullahiýan X sosial media platformasyndan beren beýanatynda, Eýranyň Prezident Ebrahim Raisiniň Türkiyäniň Prezidenti Rejep Taýýip Erdoganyň resmi çakylygyna laýyklykda öňňin paýtagt Ankara guran saparynyň üstünde durup geçdi.

Eýranly ministr iki ýurduň liderleriniň arasyndaky duşuşyklarda söwda, maýa goýum, ykdysadyýet, medeniýet, syýahatçylyk, serhet howpsuzlygy we terrora garşy göreş bilen birlikde ençeme şertnama gol çekilendigini mälim etdi.

Eýranyň Daşary işler ministri Hüseýin Emir Abdullahiýan: "Hormatly Prezidentimiziň Türkiyä guran resmi sapary we netijeleri iki ýurduň arasynda we sebitleýin hyzmatdaşlyk taýdan täze bir sahypanyň başlangyjydyr" diýip belledi.

Eýranyň Prezident Ebrahim Raisi Türkiyäniň Prezidenti Rejep Taýýip Erdoganyň resmi çakylygyna laýyklykda Ankara gelipdi we Prezidentiň komplkesinde duşuşyk geçiripdi. 

Saparyň çäginde iki ýurduň wekiliýetleriniň gatnaşmagynda geçirilen Türkiye-Eýran Ýokary derejeli hyzmatdaşlyk geňeşiniň 8-nji maslahatyndan soň, liderleriň ýolbaşçylyk etmeginde iki ýurduň araysnda tapawutly ugurlary öz düzüminde jemleýän 10 şertnama gol çekilipdi.