Eýran ABŞ-na ýüzlenme berdi
Eýranyň Daşary işler ministri Hüseýin Emir Abdullahiýan Ýemendäki Husilere garşy Beýik Britaniýa bilen bilelikde täze hüjümler başladan ABŞ-na söweşiň geriminiň giňeljekdigi barada duýduryş berýän ýüzlenme ugratdy
Eýranyň Döwlet telewideniýesiniň habar bermegine görä, BMG-nyň Howpsuzlyk geňeşiniň Gazadaky ýagdaý bilen baglanşykly şu gün geçirmegi meýilleşdiren maslahata gatnaşmak üçin Nýu-Ýorka giden Eýranyň Daşary işler ministri Hüseýin Emir Abdullahiýan sebitdäki wakalar barada beýannama berdi.
ABŞ-nyň Beýik Britaniýa bilen birlikde Ýemendäki Husilere garşy guraýan howa hüjümleriniň üstünde durup geçen eýranly ministr: "ABŞ-na we Beýik Britaniýa sebitde parahatçylyga we howpsuzlyga wehim salýan hüjümleriň söweşiň gerimini giňeltjekdigi barada ýüzlenme we berk duýduryş berdik" diýip habar berdi.
Ýemende Eýran tarapyndan goldanýan Husiler Aden aýlagynda ABŞ-ne degişli ýük gämisini gämä garşy raketalar bilen nyşana alandyklaryny, ABŞ-nyň we Beýik Britaniýanyň harby güýçleriniň bolsa ýurduň paýtagty Sana şäherine howa hüjümlerini gurandygyny mälim etdi.
Degişli Habarlar
Rafahy Terk Edenleriň Sany 110 Müňe Golaýlady
Ysraýylyň hüjümleri sebäpli ýaşaýan ýerlerini terk etmäge mejbur bolanlaryň sany gün saýyn artýar