Gondurasda we Gwatemalada başdan geçirilen tebigy apatlarda 4 adam ýogaldy
Gondurasda aşa ýagan ýagyşlar sebäpli emele gelen sil apatynda we ýer süýşgünlerinde 4 adam ýogaldy
Orta Amerika döwletleri bolan Gondurasda we Gwatemalada geçen hepdäniň ahyryndan bäri dowam edýän aşa ýagýan ýagyşlar sebäpli emele gelen sil apatlary 68 müňden gowrak adama ýaramaz täsir ýetirdi.
Gondurasyň Milli Howp we adatdan daşary ýagdaý dolanşygy ofisinden berilen beýanatda, ýurduň 7 aýry sebitinde sary duýduryş yglan edilendigi bellenip, ýokary basyş we çyglylyk sebäpli dörän ýagyşlaryň dowam etjekdigi habar berildi.
Ýurtda häzirki wagta çenli sil apatlarynda we ýer süýşgünlerinde jemi 4 adam ýogaldy, 42 müň adama bolsa ýaramaz täsir ýetdi.
Gwatemalada bolsa aşa ýagan ýagyşlar derýalaryň joşmagyna sebäp boldy, onlarça öýi suw basdy.
Milli Apat azaltma koordinatorlygyndan berilen beýanatda, sil apatlary 26 müň adama ýaramaz täsir ýetirdi we käbir ýerlerde ewakuasiýa işleriniň dowam edýändigi mälim edildi.
Ýurtda 2023-nji ýylyň başyndan bäri aşa ýagan ýagyşlar sebäpli emele gelen sil apatlarynda we ýer süýşgünlerinde 58 adam ýogaldy.
Degişli Habarlar
Ysraýylyň goşunynyň Gaza zolagyna garşy guraýan hüjümleri dowam edýär
Gazadaky Palestinanyň Saglygy goraýyş ministrligi hüjümler barada maglumat berdi