Deýrizorda PKK/ÝPG-a Garşy Ýöriş Geçirildi

Siriýanyň gündogarynda ýerleşýän Deýrizor welaýatynda ekstremist terror guramasy PKK/ÝPG-niň basyp alyşlygy astyndaky sebitlerde ýaşaýan araplar, gündelik durmuş şertleriniň agyrlaşýandygy sebäpli terror guramasyna garşy protest ýörişini geçirdi.

Ýerli çeşmeleriň berýän habaryna görä, Siriýanyn Yrak serhedinde ýerleşýän Deýrizor welaýatynyň gündogarynda ekstremist terror guramasy PKK/ÝPG-niň basyp alyşlygy astyndaky Hüweýje obasynda terror guramasyna garşy ýöriş geçirildi.

Obanyň ýollaryny ýapan 200-e golaý protestçy, guramanyň basyp alyşlygy astyndaky ýerlerde işsizleriň sanynyň ýokarlandygy, guramanyň käbir ýerli ýolbaşçylarynyň galplyk edýändigi, ykdysady we gündelik durmuş şertleriniň agyrlaşandygy sebäpli ýöriş geçirdi.

Esasy bölegi araplardan ybarat Deýrizor welaýatynda ýygy-ýygyndan PKK/ÝPG-a garşy ýörişler geçirilýär.

Deýrizoryň Ýefrat derýasynyň gündogarynda ýereşýän etrapçalary 2017-nji ýylda terror guramasy PKK/ÝPG tarapyndan basylyp alnypdy.