Siriýanyň Demirgazygyna Operasiýa Guramak Türkiýäniň Kanuny Hakydyr
Russiýanyň Prezidentiniň Diwanynyň Metbugat sekretary Dmitriý Peskow Siriýanyň demirgazygyna guralan operasiýasynyň Türkiýäniň kanuny hakydygyny beýan etdi.
Prezident R.T.Erdoganyň “Russiýanyň Siriýa bilen bagly borçlaryna jogapkärçiliksiz çemeleşýändigi” hakynda beren beýanaty boýunça garaýyşyny beýan eden Peskow, Türkiýe bilen Russiýanyň Siriýadaky şertler we Soçi ylalaşygyndaky borçlar bilen bagly çemeleşmelerinde “tapawutlyklaryň” bardygyny aýtdy.
Olaryň Erdogan we Putin tarapyndan ençeme gezek seljerilendigine ünsi çeken Peskow; “Türkiýe bilen gatnaşyklaryň dostlukly we hyzmatdaşlyk haşýeti şol düşnüşmezlikleri açyk we netijeli geňşmäge rugsat berýär” diýdi.
Peskow Türkiýäniň Siriýanyň demirgazygyndaky terror pozisiýalaryna guran “Penje-Gylyç” harby howa operasiýasy hakynda; “Türkiýäniň öz howpsuzlygy bilen bagly aladalaryna düşünýäris we oňa sarpa goýýarys. Onuň Türkiýäniň kanuny hakydygyny pikir edýäris” diýdi.
Degişli Habarlar
Ysraýylyň goşunynyň Gaza zolagyna garşy guraýan hüjümleri dowam edýär
Gazadaky Palestinanyň Saglygy goraýyş ministrligi hüjümler barada maglumat berdi
