Ukrainadaky Galla Geçelgesi BMG-niň we Türkiýäniň Saýasynda Açyldy
ÝB-niň Daşary gatnaşyklardan we Howpsuzlyk syýastlaryndan jogapkär Wekili Žozep Borrell Ukrainadaky galla geçelgesiniň BMG bilen Türkiýäniň saýasynda açylandygyny aýtdy.
Borrell Ispaniýadaky Halkara Menendez Pelaio uniwersitetiniň Santander şäherinde geçiren tomusky kursunda Ýewropanyň geljegi temaly okuw-seminaryna gatnaşdy.
ÝB-niň Ýokary wekili ol ýerde sözlän sözünde we geçiren metbugat ýygnagynda BMG-niň we Türkiýäniň başlangyçlary bilen Ukrainadan galla eksportunyň başlamagynyň möhümdigini nygtady.
Borrell; “Ukrainadaky galla bökdençligi BMG-niň we Türkiýäniň saýasynda aýryldy. Onuň kadalaşmagyny tama edýäris. Sebäbi 20 million galla hakda aýdýaryn. Eger dünýäde 20 million tonna galla, günebakar çigidi saklanan bolsa, ol käbir adamlaryň iýip-içip bilmejekdigini aňladýar” diýdi.
Borrell 24-nji fewraldan bäri dowam edýän Ukraina-Russiýa söweşinde 10 millin ukrainalynyň ýurduny terk edendigini we agyr netijeleri ýüze çykarjak söweşiň başdan geçirilýändigini beýan etdi.