Beýik Britaniýanyň habarnamasy: "Rus serkerdeler dilemmada galdylar" diýdi
Rus serkerdeleriň Ukrainanyň gündogaryna goşmaça harby güýç bilen üpjün etmekmi ýa-da ýurduň günbatar sebitleriniň goranyşyny güýçlendirmegiň arasynda dilemmada galandyklary habar berildi
Beýik Britaniýanyň Goranmak ministrliginiň Russiýa-Ukraina söweşi bilen bagly habarnamasynda, Ukrainanyň hem Donbass hem-de Herson sebitlerinde belli bir netijä gelinip bilinmedik çaknyşyklaryň dowam edýändigi mälim edildi.
Habarnamada: "Rus serkerdeler gündogarda hüjüme goşmaça harby güýç üýşürmekmi ýa-da günbatarda goranyşlaryny güýçlendirmegiň arasynda dilemmada galdylar. 2022-nji ýylyň 18-nji iýulynda razwedka, Russiýanyň Belgorod sebitinde Ukraina serhedine 10 km uzaklykdaky Barwinok diýilýän ýeriň golaýynda ruslara degişli harby ulag abatlaýyş we döwrebaplaşdyryş desgasyny anyklady. Esasy söweş taňklary, harbylary daşaýan sowutly ulaglar we ýük ulaglar bilen birlikde zeper ýeten azyndan 300 ulag bardy. Anyk resmileşdirilen meselelere goşmaça häsýetde, Russiýanyň Ukrainadan zeper ýeten müňlerçe harby ulagyny çykarmak we abatlamak üçin göreş alyp barýar" diýip habar berildi.
Herson sebitiniň dolandyryjysynyň başlygy Sergiý Khlan Ukrainanyň telewideniýesine beren beýanatynda, söweş meýdanynda öwrülişik nokadynyň başdan geçirilýändigini belläp: "Söweş meýdanynda öwrülişik nokadynyň başdan geçirilýändigini aýdyp bileris. Goranmakdan kontr-hüjüme geçýäris. Sentýabr aýyna çenli Herson sebitiniň çürt-kesik azat ediljekdigini we basyp alyjylaryň ähli meýilnamalarynyň puja çykjakdygyny aýdyp bileris" diýip aýan etdi.
Russiýanyň goşuny 24-nji fewralda Ukraina garşy harby hüjüm başlatdy.
