Hytaýyň Harby-deňiz güýçleri harby türgenleşik geçirdi
Hytaýyň Harby-deňiz güýçleriniň ýurdyň demirgazygyndaky Sary deňizde inwentaryndaky iň uly harby gämisi Lhasanyň gatnaşmagynda harby türgenleşik geçirendigi mälim edildi
Ýerli metbugatda berilen habarlara görä, "Tip 055" görnüşli gönükdirilen raketa daşaýan harby gämi, "Tip 056A" görnüşli 3 korwet gämi bilen ozaldan kesgitlenen nyşanalara garşy harby türgenleşik geçirdi.
CCTV döwlet telewideniýesi, başga gämileriň, suwasty gämileriň, irki duýduryş uçarlaryň we dikuçarlaryň gatnaşmagynda 3 gün dowam eden türgenleşikde, uçara garşy, gämä garşy we suwasty gämilere garşy zenit raketaly tälimleriň geçirilendigini beýan etdi.
Hytaýyň Harby-deňiz güýçleri 2017-2020-nji ýyllar aralygynda 8 sany "Tip 055" we soňky 10 ýylda 70-den gowrak "Tip 056" we "Tip 056A" harby gämilerini ulanmaga başlady.
Ýanwar aýynda Harby-deňiz güýçleriniň düzümine goşulan "Lhasa" atly harby gämisi, 12 müň tonna agyrlygyndaky ABŞ-nyň Harby-deňiz güýçlerine degişli "DDG-1000" görnüşli Zumwalt harby gämisinden soň dünýäniň iň güýçli 2-nji harby gämisi hökmünde bilinýar.
Degişli Habarlar
Owganystanda Syýahatçylara Guralan Hüjümiň Jogapkärçiligini DEAŞ Öz Üstüne Aldy
Hüjümde 3-i Ispaniýanyň, 3-i hem Owganystanyň raýaty bolan 6 adam ýogalypdy.
