24 Sagatda 170 Rus Esgeri Täsirsiz Ýagdaýa Getirildi, 42 Harby Ulag Hatardan Çykaryldy
Soňky 24 sagatda rus güýçleriniň 9 hüjüminiň yza serpikdirlendigi we rus güýçleriniň uly ýitgi çekendigi bellenildi.
Ukrainada soňky 24 sagatda 170 rus esgeri täsirsiz ýagdaýa getirildi, rus güýçlerine degişli 42 harby ulag hatardan çykaryldy.
Ukrainanyň Baş ştabyndan berlen beýannamada, soňky 24 sagatda rus güýçleriniň 9 hüjüminiň yza serpikdirlendigi we rus güýçleriniň uly ýitgi çekendigi bellenildi.
Beýannamada, Ukrainanynyň goşunynyň soňky 24 sagatda 170 rus esgerini täsirsiz ýagdaýa getirendigi, çaknyşyklarda 3 uçar, 3 uçarmansyz howa ulagy we 8 tank bilen birlikde rus güýçlerine degişli jemi 42 harby ulagyň hatardan çykarlandygy nygtaldy.
Ukrainanyň Wise-premýermi İrina Wereşuk, soňky 1 günde ynsanperwer kömek geçelgelerinden 7 müň 331 ukrainiň howpsyz ýerlere göçürlendigini belledi.
Wereşuk beren beýannamasynda “Soňky 24 sagat rus güýçleri bilen çaknyşygyň dowam edýän ýerlerinden Mariupol we Melitopol şäherlerinde 2 ynsanperwer kömek geçelgesi açyldy. Şol geçelgelerden Mariupoldan 6 müň 800, Melitoldan hem 531 adma howpsyz ýere göçürildi” diýdi.
Wereşuk, Mariupolyň halkyna ynsanperwer kömeginiň ýetirilmegi üçin uly tagalla edýändiklerini şol çäkde Berdýansk we Melitopol şäherlerine 80 tonnalyk ynsanperwer kömeginiň getirlendigini belledi.
